هلابك

[حمزه]

هلابك كثر ماشوقي دعاني
هلابك والورد منك تعطّر
علامه قلبك القاسي نساني
علامه ليش مامثلي تصبّر
عطيته ود ولكن ماعطاني
حسافه ليش مامثلي تأثر
حضرتي بعد ماحبك رماني
على طيب المعاني لي تنكّر
ابي قلبك واثر قلبك لثاني
واثر حبك بسرعه لي تبخّر
اعيش الموت واحساسي يهاني
وكاس الحب بيديني تكسّر
وهمٍ ما يفارقني حــــــداني
معى حبر القلم كنه تنثّر
كبر عمري وبدا كرهك يباني
كلام الحب لو يبطي تفجّر
عسى قلبك من الحره يعاني
يذوق الحب مع واحد تجبّر

[تقني المنتدى]

علامه قلبك القاسي نساني
علامه ليش مامثلي تصبّر
عطيته ود ولكن ماعطاني
حسافه ليش مامثلي تأثر


الله على الذوق

[حمزه]

وذوقك رفيع وكلك ذوق اشكرك

[bond]

علامك

علامك يا نظر عيني .. علامك .. علامك يا عيوني ليه تبكين
عشانك ترخص الدنيا عشانك .. ولاجلك ترجح كفوف الموازين

عنالك قلبي الضامي .. عنالك .. عنالك لاجل تسقينه بكفين
فدا لك عمري الماضي فدا لك .. فدا لك عمري الباقي من الحين

انا لك يا بعد روحي .. انا لك .. انا لك وانت لي بس لو تدرين
علامك يا نظر عيني .. علامك .. علامك يا عيوني ليه تبكين

[حمزه]

علامك يابوند علامك ......علامك تكتب هالابيات ذلحين
عشانك مشرف عشانك ..... تجيد الشعر وتعطي الزين
×××××××××××××××××××××××××××××××××
ابيات عن قصيده اشكرك