أبو محمود
مؤسسي المنتدى
عـــــضـــــو قـــديــــر
الحالة
متصل
ماني غبي
لا تلوم الجرح وانت اللي جرح
سو في دنياك كل اللي تبي
عيش في كذبة غرورك واسترح
انت ما قدّرت حزني وتعَبي
من عرفتك وانت قلبك ما برح
يقلق الودّ .. ويعكّر مشربي
كم حمل قلبي سؤالٍ ما انطرح
وكم أنا استغبي وانا ماني غبي
رغمك اللي كل شيٍ بك شرح
كذبك ، أقول لظنوني كذّبي
لين بان الحق والنور انبرح
غيب بإهمالك ويا شمس اغربي
إيه ضاق الصدر لو قلت انشرح
وإيه أنا كنّي وحيد بكوكبي
وإيه كنت أحبك وفكري سرح
لكن العشرة وفا يا صاحبي
والرسايل قد ما كانت فرح
بعدك أبكت كل شي بمكتبي
رد مع اقتباس
مواقع النشر (المفضلة)