رد: 🌷🌷اجازه سعيده ...happy weekend
أم كشه نكبت أهل البيت كلهم
بنت تقول ، ،
يوم كان عمري تسع سنوات... وجالسة اتابع مع أمي مسلسل كويتي...
(ايام التسعينات وكان ï»»زم مخدرات شيء أساسي بالقصة اي مسلسل)
الولد البطل ياخذ مخدرات ويشمها مثل بودره... وأنا أطالع واشوفه مستانس وقلت انا بعد ابي استانس بس ابي بودرة...
وأروح طيران على غرفة أخواني الكبار واخذ بودرة جونسون للأطفال (كانوا يستعملونها للكيرم) وأروح لغرفتي واكبها على كرسي...
(مافي طاولة مثل المسلسلات) واجي ابي أشم واكح واكح ��
إلا وأبوي داخل علي وشاف خشمي ابيض هو من الصدمة مسكني من شعري ويقول: ايش هذا؟!
قلت له: مخدرات ..
قام أبوي وينادي أمي ويقول: بنتك معها مخدرات..!
وأمي تضربني تقول: من وين جبتيها؟!
وانا اشاهق وأقول من غرفة العيال (انا قصدي بودرة من غرفتهم)
وأبوي طيراااان على غرفتهم يدور وï»» لقى شي وعلى جيت اخواني من الشارع إï»» وأبوي مستقبلهم بالعقال ضرب ��واللي كلاها صدق أخوي اللي في الثانوية (لأنه محل شبهات)..
وبعد الضرب قال أبوي: من اللي جايب مخدرات؟ وكيف جبتوها؟
أخواني يحلفون بالله إنهم ما يعرفون شي وبعد ساعة من التحقيق والضرب ناداني أبوي وقال: من أي درج خذيتي المخدرات ووين كيسه؟؟
أنا قلت: من درج خالد...
وأروح لغرفتي وأجيب علبة بودرة أطفال وأقول: هذي هي المخدرات... أبوي عصب وعطاني كف نقز خشتي ، وامي ركضت على محمد أخوي الكبير لأنه من قوة الضرب ماعاد وقف... وراح أبوي على غرفته،، وأنا أبكي وأخواني يهاوشوني ويقولون انتي مو اختنا ...
قعدنا أسبوع وï»» أحد يكلم الثاني ...
بعدها جمعنا أبوي ويعتذر لنا جميعا بس مركبني الغلط.. وسألني من وين جبت الفكرة؟!
قلت: المسلسل اللي أمي تتابعه كذا يسون..
وجلس يهاوش أمي
هههههههههه نكبتهم كلهم ..
أخواني بعد مذله سامحوني ...
ودايم يضحكون علي وإذا شفت علبة بودرة أضحك...
يوم كبرت شوية قلت لهم: أنا قاصده أسوي كذا علشان أبوي يعطيكم درس قبل ما تنحرفون... الحين عندي بنت وأكره أستعمل بودرة الأطفال من بعد السالفة.. ادعولي أخواني ينسون السالفة.. المشكلة علموا زوجي.. ويقول لي: انتي عندك ماضي في التعاطي هههههه بودرة جونس
المشاركة الأصلية كتبت بواسطة ابو رغد
مواقع النشر (المفضلة)