اقتباس المشاركة الأصلية كتبت بواسطة عبدالله السويد مشاهدة المشاركة
السهم وضعه طيب عليك بالصبر مالك بالمطامر من سهم لسهم اصبري على سهمك
والله يا اخوي عبدالله احياناً الحاجة هي اللي تخليك تستعجل يعلم الله اني اصرف على عيالي من دخل الاسهم الشهر اللي اكسب فيه والله وسع علي فيه اوسع عليهم بالمصروف والشهر اللي ما اكسب فيه اشد عليهم بالمصروف ويا اخوي ترى الاطفال ما يعذرون امهم وما يعرفون ما فيه فلوس ولدي الصغير اقول له ما عندي فلوس يقول اسحبي من الصرافه والله يخلي لك عيالك انت واخواني ويبارك لكم فيهم ولا يذوقون حرة فراقكم لانه فقدان الاب شيء صعب على الاطفال وامهم ،
واللي ارجوه منكم يا اخواني تحملوني شوي انا اعرف اني ازعجكم واشغلكم معاي لكن زي ما انتم شايفين الاوضاع وانا في العادة اتابع من بعيد ولا اكتب لكن تعلقت في السهم ولي فتره فيه ولا انا قادره اطلع لسهم ثاني والمبلغ اللي عندي ما يقسم على سهمين والله يجزاكم خير جميعا ويبارك لكم في مالكم واولادكم ولا يحيجكم الا له سبحانه