ابنصحك واسمع ولو مانت مكلوف

[مجموعة إنسان]

ابنصحك واسمع ولو مأنت مكلوف
لا تقول يا رجال مالك ومالي

هذي نصيحة حق ..والعفو معروف
يزيد قدرك في صدور الرجالي

القول بداية فعل وأفعالنا الخوف
وشعره مابين الفعل والأنفعالي

الكلمه اليا جات من صدر ملقوف
الصّمت خير وخل صدرك شمالي

زلة السانً بالخطاء خلها طوف
لا تابع الزلات يابن الحلالي

لا تصير بالمجلس خفيفً ومشغوف
ولايصير صوتك فوق الأصوات عالي

ترقاء عن الطفسه على راس هفهوف
عليك ومثلك يشرهون الرجالي

الصّمت بعض أحيان مايعتبر خوف
لا صار بعض الهرج ماله مجالي

اركد ياحتى يركد الرمي وتشوف
ويبين لك بين الخطاء والعدالي

ان كان زلة رجل و الرجل معروف
ثلاث طوّفها الكريم اسبالي

وكانه ظعيف وهرجته هرجة ضعوف
سفيه خله فالمجالس يلالي

لا صار ما لي عندهم حق مخطوف
يلقى سفيه يسد حلقه بدالي

روعه وتميز وإبداع وصح السانك
وشكري وتقديري واحترامي
وتمنياتي لك وللجميع بالتوفيق

[مضـ2020ـارب]

روعه وتميز وإبداع وصح السانك
وشكري وتقديري واحترامي
وتمنياتي لك وللجميع بالتوفيق

هل بالمبدع أتشرف فيك نورت المنتدى بطلتك