رد: حائـــــل💚 عـــروس الشمـــال
الله الله إبداع كالعادة يا اميرة المنتدى
ما شاء الله عليك وش دراك أنه ديرتي وحبه ( تعدى حب الأكراد لربيل إلا وتعدى حب
شمر لحايل )
كفيتي ووفيتي يا اميرة المنتدى ما خليتي لنا أي إضافات
والحق حقيقه شهادتي فيها مجروووووووحه
هذه القصيده للشاااعر المبدع /بدر الضبعان
ودعـت حايـل وكــل أرض ٍ شمالـيـه
مستقبلـي حـدّنـي عنـهـا ومشّـانـي
.
ودعــت حـايـل شمالـيـه وقبلـيـه
ودعت ( شمر ) ( بعـد حيـي ) وحيانـي
.
( أرض الجبل ) والله انـه ماخلـق زيّـه
والله مامثلهـا يـانـاس شــي ثـانـي
.
ماهزنـي غيـر دمـع ٍ يطـري الجـيّـه
(أمي) و (أبوي) و (دموع أهلي) و (خلاّني)
.
أشتقت ل( أمـي ) أشوفـه كـل عصريّـه
بالبـاب تاقـف تحـرّى رجعـة أخوانـي
.
أشتقـت لـدْلال ( أبــوي ) الله ياهـيّـه
( ابو بـدر ) مزبـن المضيـوم والعانـي
.
أشتقت ( لخوانـي الخمـس ) الشقرديّـه
أشتقـت لعـيـال حارتـنـا وجيـرانـي
.
أشتقـت ( لجبـال حايـل ) كـل فجريّـه
مـن قبـل لايصـدح المـذّن بـالآذانـي
.
والله يـا أرض حـايـل كــل شتـويّـه
تسـوى ربيـع الجزايـر وأرض لبنـانـي
.
الله ياهـمـي كـنّـه جـمـرة ٍ حـيّــه
أخفي دموعـي .. وحـر الشـوق بكّانـي
.
يـادار حاتـم تـرى لـو طالـت الجيّـه
والله لرجـع وانـا مشـتـاق ولهـانـي
.
ودعـت حايـل .. وكـل أرض ٍ شماليّـه
لكـن أبرجـع لهـا لـو عمـري أمدانـي
مواقع النشر (المفضلة)