رد: حائـــــل💚 عـــروس الشمـــال
تفاعلت الشاعرة (نوير الفهري)
مع هاشتاق #مدينه تتمنى زيارتها وعلقت (حايل ولاغير حايل) فردت عليها الشاعرة (سلمى القرني) مداعبة لها بهذه الأبيات👇
يابنت وش قومك تحبيـن حايـــل
صرتي طوال الدهر فيها تهذريـن
نعمين والله في جميع القبايـــل
لكن حايل ماهي أرض القحاطيـن
حبك لهـا خلفه علــومٍ هوايــــل
والله وحــــده يعلم اللي تكنّيــن
يمكن ربو فيها الجــدود الاوايــل
ولا عشقتي في طرفهم حمر عين
سلمى القرني
...............................
فردت عليها نوير الفهري بهذه الابيات👍👍
مالي عشيرٍ يسكن اديار حايل
ولا هوب يـاروحي مـثل ماتظـنين
قلبي من الله دايم الدوم مايل
ماهو بتـوّه ذا الـغلا قد له سـنين
الديره اللي نـادره بالخصايل
سـكّانها على النـقا دوم ماشـين
أشوفها دايم بروس الطوايل
وشـلون ماغليها واهـلها وفـيين
ياليت ابويه يوم شد الرحايل
وجّـهه لهـا لو كان مـاله بها شِـين
أو ليت لي فيها جـدودٍ أوايل
من شان أجيها وأكحل ابشوفها العين
*نوير الفهري*
...............................
فتفاعلت الشاعرة (دلال القحطاني) معهم وشاركت خويتها في حب قحطان لحايل
مالوم قلبٍ صوب حايل يخايل
القلب يانوير يوالف له الزين
سلمى تسوق الحرف فيه التسايل
ماتدري ان (بعبده) العرق له طين
و انا بعد مثلك بسوق الرحايل
ديرة هل اللي في كرمهم مذرين
مافيه فرقٍ بين صايل و جايل
دام الهوى ياقع بأرض الحرمين
في دار اخو نوره نشيل الثقايل
نطوي هواها بين نخله وسيفين
هذا الجنوب و فيه كل الدلايل
ان الشمال يسوق روحه لهالدين
.دلال القحطاني
...............................
حايل تغنّن به طوال الجدايل
تناولنه بالقصيد المزايين
بنات شيوخٍ من كبار الحمايل
تشهد لهم صم الرمك والميادين
ومالوم انا الخفرات في حب حايل
لأن اهلها ناسٍ كرام وشريفين
نقوة شيوخ وكاسبين الجمايل
من اول الدنيا وتالي وهالحين
الطيب فيهم له شهود ودلاليل
من جدهم حاتم على الطيب شفقين
وحايل جواهر كل مابه هوايل
حايل جبال العز واهله سلاطين
فرحان الظفيري
...............................
يابنت يلي تكتبين المثايل
بديار حايل والرجال المسمين
سلمى تعاتب في غلا جبال حايل
وتقول لنوير علامك تحبين
وتقول جيبي لي بحبه دلايل
لاصار مالك به عمام وقريبين
وردت نوير بالبيوت الجزايل
زهره وتقطف من زهور البساتين
وتقول انا قلبي لحبه تمايل
وغلاه يجري في عروق الشرايين
وتجاوبن فيها بنات الحمايل
كل" خذت فيها من القاف صوتين
المترفات معربات السلايل
نجل العيون معذبات المحبين
يازين ماقالن بكل الدلايل
زادن جمال الدار بالمنطق الزين
حايل جبل شمر جزال الفعايل
كبار الصحون اللي بوسط الدياوين
وساع الطعون وكاسبين الجمايل
وأهل الكرم من دور حاتم وهالحين
وشكرا" جزيل" من سناعيس حايل
لدلال ونوير وسلمى ملايين
راجي الشمري... حائل...
...............................
[ سمعت من زين المثايل مثايل
وانا ابشارك كاتبات العناوين
من مجلس" حاميه راع الجمايل
ليوان شايع مدهل" للوفين
مقرالامسح كاسب" للنفايل
على علية حط فعل وبراهين
والله ولوحنا ندور بدايل
ماغيرحايل لايسارا" ولا يمين
ديرة ابويه ناصر اللي يخايل
يقول جبة ديرتي والموالين
حايل ولافيهابشتى الوسايل
ربعي هل المعروف قضاية الدين
ربعي هل المنسف وتقليط حايل
اللي شحمها ناضمن للكريمين
وأهل الجمايل مقحمين الدبايل
لاثارت الهيجا ترد المعادين
هذي فعايلهم كبارالحمايل
شمر بني عمي شيوخ وسلاطين
بليوان جدي شايع" والرسايل
دزيت بيتين" واشارك ببيتين
واناعفاف و بنت راع الاصايل
اغفيلين ذكره بكل الميادين
...............................
الشاعرة: عفاف الغفيلي
من هضبة عليه
المشاركة الأصلية كتبت بواسطة ابو رغد
مواقع النشر (المفضلة)