الله يجزاك خير ..

مادري وش دخل النسبة وفك النسبة .. والسيناريو اللي تفترضه بموضوع راس المال ..

ليه تبي تقنعني بشي انا قلته ومقتنع فيه .. ان الاعلان ايجابي وممتاز

ادري ان ارامكو انقذت الشركة وان الاعلان ممتاز .. وارامكو تشوف ان فيه فرصه لنجاح الشركة .. كل هذا معروف

احنا نتكلم عن صورة الانقاذ ماهي؟ كيف بتعطي بترورابغ دراهم ؟ باي صفه؟

ما قرأته انا بالاعلان كالتالي :

اليابانيون كانوا رافضين رفع راس المال .. لانهم يقولون مابه دراهم نحطها اكتتاب ولن ندفع من جيبنا

بالتالي .. ادارة بترورابغ لا تستطيع اتخاذ قرار بدون دعم الشركاء الكبار .. طلبت منهم حل

ارامكو حلت اشكال اليابانيين .. وفرت لهم سيوله يكتتبون فيها بالشركة كما اعتقد ..

مافيه حد ترى رافض تخفيض راس المال .. لانه كذا او كذا تخفض .. واعلان التخفيض دفتري ومحاسبي فقط

الاعتراض كان على رفع راس المال لان فيه دراهم جديدة يدفعها الشريك ..

تقول ارامكوا و اليابانيين بيضخون اكثر من 5 مليار للخزينة دعم .. صحيح بس بصورة ايش؟

هنا السؤال ..

الشغلة مو خزنة حط فيها فلوس وخلاص .. فيه نظام وقانون ..

ولذلك تلاقي بالاعلان جملة والاتفاق مع شركة بترورابغ على الالية .. وحنا نبي نعرف الالية بس

واصلا مافيه حد يدفع مليارات بلاش ..

بخصوص القرض اللي تنازلوا عنه مع انها خطوة ذكية وممتازة منهم .. كانت قدرتهم على تحصيله مشكوك فيها .. اذا لم تنحل مشكلة الشركة



هذي كل الحكاية


اما صعود السهم نسبة وفك النسبة .. مع انه مو محور حديثنا فما اظن السيناريو اللي قلته واقعي

ما فيه مستثمر صاحي يبي يسيطر على سهم مملوك نصه لارامكو ..

السهم صعد لان الاجراء مهم ومنقذ للشركة

ونزوله بعد كذا طبيعي .. خاصة عند 50% فيبو من اخر موجة و كل الاسهم تصعد وتنزل بموجات

واذا كانت موجة السهم صاعدة رئيسية .. فبيعود السهم ان شاءالله يتجاوزها ..

والخبر ما تفاجأ فيه لا كبار ولا يحزنون .. السهم نسب قبل صدور الخبر ..

اتفاق بهالحجم وفيه عدة اطراف .. عادة يتسرب بدليل نسبته اليوم اللي قبل الاعلان ..