متابعه سهم دار الاركان .

[الشامان]

هذا قروب من عدة اشخاص يضاربون بالسهم

لو هي صناديق كان شفت تملك

لانهم قروب مخالف لا يسمحون بظهور تملكهم وتبان اساميهم

هعم يدورون سيولتهم بينهم في رفع السهم وانزاله

واحد يعرض والثاني يشتري

وتذكرون عندما قلت لكم بالسهم 14 محفظه كبيره هي التي ترفع وتنزل بالسهم

هم القروب الذي بدت تظهر ملامحه الان

ابعدو عن اي سهم به قروبات والله ما علق الصغار الا هم

يضعون لهم واحد او ثنين بالتواصل الاجتماعي يقول ما يقال له ويصدق لين الناس يثقون به ثم يعلقونهم باخر المطاف

وخذ ياعويل من الصغار وشق الجيوب ولطم الخدود ولا يتعضون

اذا هذا الكلام صحيح فهو غش ويعتبر من البيوع المنهي عنها بيع النجش . اذا ماني غلطان متذكر المعلومه من ايام المتوسطه ههههه

[Assalimi]

اذا هذا الكلام صحيح فهو غش ويعتبر من البيوع المنهي عنها بيع النجش . اذا ماني غلطان متذكر المعلومه من ايام المتوسطه ههههه

نعم هو بيع نجش

لكن هل هذا يهمهم

والا بالله عليك وش صار بالسهم حتى يصعد بهذه الطريقه وبهذه الكميات المدوره

لعلك راقبت الصفقات وشفتها

ملايين تنفيذ كل يوم

عطوني تملك واحد تملك 5 %

طيب وين راحت هذه الكميات

هل انشقت الارض وبلعتها

وهذا يثبت انه قروب كبير له محافظ كثيره تتوزع الاسهم بها لكي لا تظهر ويدورون بالسهم ويضللون الناس لكي يرفعوه معهم الى مناطق تصريف

يرفعون السهم وهم قاعدين يصرفون على الصغار

وبالاخير ما يبقى به الا الصغار اللي يبدون يبيعون على بعض لين يهبط السهم الى اسعار بالحضيض ثم يبدا القروب بالتجميع به مرة اخرى