اقتباس المشاركة الأصلية كتبت بواسطة عمر الأحمد مشاهدة المشاركة
يا من ل عينٍ في حجرها سماليل
ماهيب عين النداوي وعيون ساره

من كثر ما مرت عليها البهاذيل
دايم تجاهدها بعزم و جساره

ويا ليل خبرني عن سينومي ريتيل
هي صفقة المكسب ولا الخساره

ابو مشاري ما يحب كثر التفاصيل
وضاري يقول السهم غير مساره

وانا أقول فواز الحكير ماهو بخيل
يعطي بيمناه اللي ما تعلم يساره

يا الله بحظ يرفعه للجدي وسهيل
ويبشرني وملاكه بأخبار ساره


رد من شاعر فزعته لأجل يرد عليك وإن شاء الله تحوز على رضاك ورضى من يقرأ
مع العلم أنه ما بغى يرد ليش مدري بس بعد تحلوي رد

عـيـش الـحياه وجـر فـيها مـواويل
ودعـس عـلى همك بعزم وشطاره

ولـيا جـفاك الـنوم ثـم طول الليل
صـلاتـك اسـلاحك وهـمك اشـاره

يـاصـاحـبي لابــد مـايـدرج الـسـيل
ويـفرح بـه الضامي لاجات البشاره

فـي سـالف الايـام حكمه وقد قيل
تــرى الـتـجاره بـين ربـح وخـساره

والحضرمي قد قال ضمن المثايل
تــرى الـخـساره اول بـاب الـتجاره

ومـكـثر الـتـفصيل بـيـحط ويـشيل
ويـضـيع صـيده بـين فـهود ونـماره

وان جـيت لـلتاجر تـدور مـداخيل
مــقـفـل الـبـيـبان وفـيـهـا خــفـاره

مير اطلب اللي يعطي ابلا مكاييل
الــلـي رزق دابٍ عـمـى بـالـجحاره