هذه بعض الكسرات أتمنى أن تنال إعجابكم

بسأل طبيب الهوى والود ،،، اللي بالإحساس متفوق
وأقول كيف أمتنع و أصد ،،، لا صرت بالحيل متشوق
،،،،،،،،،،،،،،،،،،،،،،،،،،،،،،،،،

ودعتهم والدموع إنهار ،،، وأمنتهم يحفظون الود
لكن الأشواق مثل النار ،،، تبني بوسط الجسم وتهد

،،،،،،،،،،،،،،،،،،،،،،،،،،،،،،،،،

ياخي تفأل بطيب الفال ،،، وأبعد عن اليأس كل البعد
بكره يتعدل معاك الحال ،،، واللي تحبه مصيره يرد

،،،،،،،،،،،،،،،،،،،،،،،،،،،،،،،،،،

تخيل إني أنا المعشوق ،،، وأنت الذي طالعه روحك
ترضى لنفسك عذاب الشوق ،،، مع قلة النوم وجروحك

،،،،،،،،،،،،،،،،،،،،،،،،،،،،،،،،،،،

صابت صميم الفؤاد سهوم ،،، وسهوم صابت جوارحنا
وكل ماجعلنا الأسى مكتوم ،،، دموع الأعيان تفضحنا

،،،،،،،،،،،،،،،،،،،،،،،،،،،،،،،،،،،

أبغى أسألك يا معلم طب ،،، سؤال وأبغى إفاداته
اللي رسب في إمتحان الحب ،،، يعيد والا الهواء فاته

الـــــــــــــــــــــــرد

اللي رسب في إمتحان الحب ،،، أكتب صفر في سجلاته
لا له مداوي ولا له طب ،،، مسكين و الله الهواء فاته

،،،،،،،،،،،،،،،،،،،،،،،،،،،،،،،،،،،،

انته وأنا والحياه وبس ،،، عن باقي الناس تكفينا
في جو هادي إذا نسنس ،،، باليل نحكي أمانينا

،،،،،،،،،،،،،،،،،،،،،،،،،،،،،،،،،،،،

الشخص مهما علا شأنه ،،، وقدر ما يجمع الأموال
في يوم يبكيه خلانه ،،، ويموت ما حقق الآمال

،،،،،،،،،،،،،،،،،،،،،،،،،،،،،،،،،،،،،

ساعة صفا عشتها وياك ،،، ومن بعدها عاد تنكيدي
ما عاد أقدر على فرقاك ،،، قلي وش الحل يا سيدي

،،،،،،،،،،،،،،،،،،،،،،،،،،،،،،،،،،،،،

يا سادة المنتدى تكفون ،،، طلوا على صفحة الماضي
تزها الصحافة بما تعطون ،،، والكل عن جهدكم راضي

وسلاااامتكم ،،،