🥀 بسافر
يقول المحبـة ويـش لـو غابـوا الأحبـاب ...أقول الجسد..من غير نبض وشعـور وروح
يقول النهار يغيـب! وش موقفـك لا غـاب ...أقول ان رضيت اسكت..يصير السكوت البوح
يقول الستر سمعـة وذكـر وفعـل وثيـاب ...أقول المحب من الولـه والسهـر مفضـوح
يقول انت قايل لـي بسافـر بـدون عتـاب ...أقول ايه! قبل أضيـع فـوجهـك المملـوح
قبل تبـدي الاعجـاب وأبادلـك الإعجـاب ...قبـل تاخـذ احساسـي عـبـث وتــروح
قبل ينفتح لـك بيـن عـوج الحنايـا بـاب ...ويبقى على طاريـك طـول العمـر مفتـوح
قبـل ..لاتوهـق فيـك يالصادق..الكـذااب ...قبـل لاتحطـم منـك يالمخطـي المسمـوح
قبـل لا تعلقنـي وترحـل بـدون أسباب ...قبـل لا تعلمنـي أعـد السنيـن جــروح
قبل يتبعك..وانـت تمـادى جفـا وغيـاب ...:قصيدي ودمع عيونـي وصوتـي المبحـوح
يااليت الزمن يرجع واحسب لجفااك حسـااب ...وعد..ماتعلـق فيـك وانساك..قبـل تـروح
***
المشاركة الأصلية كتبت بواسطة حمزه
مواقع النشر (المفضلة)