سجل حضورك هنا &&&

[الزعيمه]

حلاوة الشوق مثل الشعرماامله
وانتوغلاكم مثل شعرالغزل راقي
ان غبت يومين اوغبت العمر كله
يبقى الولاء للمحبه داخل اعماقي

[حمزه]

انت الوحيد اللي من الناس مرزوق

بقلبٍ رقيق وسامياتٍ عموقه

له حق وانته لك بعد عنده حقوق

يوفي حقوقك وانت توفي حقوقه

لك الوفاء والود يا كامل الذوق

ومنك الغلا والوصل يا نون موقه

لكن لا تعذله لا هزّه الشوق

شوقه لشوفك كل لحظه يسوقه

[ليالي]

‏ما يتعب البرد من شـب المساء ضوه
‏وما يلحق الشك من جاب العذر وافي
‏
‏البـرد بـرد العـواطــف بالحشـا جـوه
‏اللـي يـدوج المحاني والجسد دافي

.

[AbuNader]

الحياة شريط …. والذكرى محتواه
والماضي صفحه … والحاضر طواه
والفراق الم …. واللقاء دواه

[ليالي]

‏تطويني الذكرى على صفحه عتااب..
‏وأندم على ماضي ماعاد له رجعهه

.

[AbuNader]

يحسبني يوم سلم ماسمعته
سامع بس أبي أتغلى عليه
بس قلبي حاول يرد ومنعته
لاترد سو نفسك ماتبيه
يحسبني يوم مارديت بعته
مادرى اني بعمري مشتريه
والصراحه يوم سلم ماسمعته
كنت أفكر كيف أنا أسلم عليه

[حمزه]

ابحث عن القمة ترى القاع مزحوم

لا تنزل لبعض العرب وأنت عالي

لو كل مخلوقٍ قدر فالسما يحوم

ما عشت زحمة الأرض والجو خالي

[ليالي]

‏أحنُّ بأطراف النهار صبابةً
‏وبالليل يدعوني الهوى فأجيبُ
‏
‏وأيامُنا تفنى وشوقي زائد
‏كأنّ زمان الشوق ليس يغيبُ
‏



.

[AbuNader]

هذا الزمن ضيق صدر حطم امال
نصبر ومن كثر الصبر صابنا العوق
ودي على بعده بس البعد قتال
مخلوق يسوي له ثلاثين مخلوق

[حمزه]

ماعاد به للنوم يا عين مدخال
مادام غاب الي له القلب كله
البارحه صوته على مسمعي طال
وداوا جروحٍ للحشا مستحله
واليوم غاب الصوت وانسلت الحال
غاب وحضر بالبال زوله وظله
وانقطعت اخباره ولا دز مرسال
والخوف سهر ناظرٍ مايمله
ليت القلوب بوسطها موجة ارسال
اتطمن العاشق ليا غاب خله
وتكف شر الدمع وتريح البال
وفي غيبته لاغاب يعّرف محله
مايذبح احساس الغلا غير الإهمال
عز الله انه للمحبين عله

[الراصد الآلي]

من عادتي لا عكّر الوقت جوّي
أخفي دموعي عن نظر كل غالي

ما ابدي تناهيدي ولو شبّ ضوّي
وأدفن همومي بين فكري وبالي

وش عاد لو بركان حزني يدوّي
وإلاّ يهد بداخلي كل عـــــــالي

الله بلاني ب(العقل)و ش أسوّي؟
دربي يميل ولا يميل اعتدالي

حيّرت في ممشاي حيلة عدوّي
لين اقتنع في طيبتي وانثنا لي

من عافته عيني ..هفا من علوّي
ومن حبّته نفسي ..سكن بالعلالي

[AbuNader]

يا طول بالي على حلمي وترحالي
خيّبت ظن الشعور ومات في ظنه
لا ضقت من دنيتي خلوني لحالي
الله في يده الفرج وعنده الجنه

[حمزه]

لكل من شارك واتحفنا بابياات جميله

[ليالي]

‏ستر المواجع داخل القلب راحه
‏لو يمتلي صدري بها ما تكلمت
‏ٰ
‏ما هو جديد القلب يخفي جراحه
‏ولاهو غريب الضحك مهما تألمت.

.

[AbuNader]

‏الصبر زين وفيه مقضاة ثنتين
تكسب جميل وتآخذ الحق وافي