يا بري حالي من عنا الشوق برياه ,,,,,
يا بري حالي من عنا الشوق برياه
وياطي عمري كل ماشفت بيته
وياعزتيلي لا بغيته ولا القاه
وياعل كبدي لا ذكرت وطريته
ظروف تجبرني ولا اكون وياه
اساير الدنيا لعل وياليته
ما كني الا اللي رجا شي ما جاه
والا مبشر في عزآ من رجيته
لا ضاق صدري اقصد الرجم وارقاه
واناطح الغربي ليامن رقيته
ابيه يجلي هم صدرً تمثناه
والا يخفف بالهوى ما عنيته
هذآك حالي من بعد يوم فرقاه
حالي تردى ليتني ما هويته
ممسي وطيف داخل القلب ممساه
واصبحت ادورله معي ما لقيته
اثره سرآ وانا اعرف ويش سرآه
يحسبني اني في بعادي نسيته
نذرً علي لو طول الوقت منساه
لو طالت مدت غيبته ما جفيته
والله يصبّر من زمانه تحداه
ويرد له غاليه ويزور بيته
سوره ضلوع الصدر والقلب مبناه
حوشه وساع الصدر والحب ليته
والله يسامحه ويغفر خطاياه
كانه يظن اني سليت ومحيته
منقول
رد مع اقتباس
مواقع النشر (المفضلة)