بعض من ذكريات الماضي

[ابن الصحراء]

الله من بيت عزيزاً هجرناه
من عقب ماكنا دواما نروده
مع الزمن حتى مكانه نسيناه
ماعاد نذكر باي الاحيا وجوده
من يوم راع البيت قفت مطاياه
النفس عن قربه تقول محدوده
الله يرحم كل عودا فقدناه
والله ينور مرقده في لحوده
وعسى حسناته تغطي خطاياه
وعسى ملايكة الرضا من شهوده

[ابن الصحراء]

العيد قرب وبعض الربع غيابي
وشلون بالعيد مانقدر نعايدهم
العيد يحلو في حضرات الاصحابي
ونصف انسجامه يضيع ان صرت فاقدهم
عسى السعاده تعايد كل الاحبابي
واشوف في مقبل ايامي تواجدهم

[ابن الصحراء]

سالفة وقصيده الولد ون طاب طيبه من خواله------- راشد بن خر الذيب
يقولون ان الشاعر راشد بن حسن الجمعه العجمي الملقب ( بالذيب )
كان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي يوقفون السواقين ويطلبونهم توصيلهم على طريقهم ..
والشاعر راشد الله يرحمه كان يخالف التعليمات وكل هذا حيا فيه ومرجله
يوم من الايام أشرت له عجوز ومعها **** (اعزكم الله)
قالت وصلني يا الأجودي قدام شوي
قال ابشيلك بس ال**** .لا
قالت له خلاص روح الله يستر عليك بيجي الذيب ويشيلني
(( تقصده لانها تسمع انه يشيل اي واحد يجي بطريقه وهي لاتعرفه))
قال لها يا خاله انا راشد الذيب
.. اركبي وابشري بالخير ..
وقيل انه توفي عام 1986م
وهو في نجران وكان شايل معه شخص موصله الى قرية في نجران
وحصل عليهم حادث رحمه الله
واليكم قصيدته المشهوره ردا على من انتقدوه
وكان السائد انذاك أن يأخذ صاحب السيارة على الشخص اذا كان بمفرده ريال واحد أما اذا كان معه ***** فيأخذ عليه ثلاثة ريالات وكان يرفض اخذ مقابل فعل الخير
حالفٍ ماخذ على الطرقي رياله
وبالثلاث محرم أنه مايجيني
لالقيت اللي على الرستة لحاله
يلتفت ويقول وين المستحيني
أوقف الموتر حيا وأبي الجماله
يوم ولد اللاش وجهه ما يليني
الطمع في كروة الرجلي رزالة
خص وان جابه مجال الغانميني
والردي في حالة ماهي بحاله
واعوينه من كلام الطيبيني
الردي لو بان مايذكر عماله
مايعد اللاش مقصور اليميني
أركبه لعيون من زينٍ دلاله
ماتحاكوا في قفاه الرامسيني
مابغى غيري وانا مابغى بداله
قاعدٍ لي بالرجا مدة سنيني
الولد وان طاب قالو من خواله
بالخوال يسال قبل الوالديني
أشرب الفنجال واكب البيالة
تابعٍ سلمي سلوم الأوليني
ولاقعدنا بالعمل بنا الرزالة
ناخذ العليا طريق الفايزيني
قال خر الذيب من هاجوس باله
كلمة يلعب بها والبال زيني
قالها يومه طراله ماطراله
من هواجيسٍ تشيب المرضعيني
غرني بعض الرجال بكثر ماله
مادرى ان الموت في حبل الوتيني
كيف ينفعني وابا(..........) خاله
مايقوم البيت دام الساس طيني
ناس وين اللي عوايده الجمالة
مثل ابن ظافر حمد ليته يجيني
الثنا والجود دايم في خياله
علمه ظافر سلوم الطيبيني
جوّد العليا ولزمّها عياله
وادركوا من علمته دنيا وديني
واهني من باع حظه واشترى له
وسار في درب النبي وأخزى ال****ي
موقفه ماكل رجال يناله
من بغى ممشاه يقعد مرتيني
كم ذبح من حايل من حر ماله
وعادته لطمة خشوم العايليني
وللجميع تحياتي

[ابن الصحراء]

مشكور ابو خالد اللي يلحق التالي
بعد تعرقل مسار اسباب توصيله
يوم الزمن بدل الاحوال باحوالي
غيرلوضعن تزعلنا تفاصيله
الى شفت منزال بعض اصحابنا خالي
اصمت لاقالت هجوسي من تغنيله
اول اذا قلت كلاً دق موالي
واليوم قولك هبا ماحدا يراعيله

[ابن الصحراء]

خاطره
حب الوطن ماله مثيلا يحاليه
حبه على كل المحبه يفوقي
حبه بدم القلب يجري مجاريه
يجري مجار الدم وسط العروقي
غير الوطن مال الرجل ما يذريه
للدار مثل الوالده بالحقوقي
ومن لايصدقني يجيني وانا انبيه
حتى يعرف اني بقولي صدوقي
يسئل كويتي يوم جاره عدا فيه
جلاه من داره طموعا ****ي
ويسئل فلسطيني تهدم مبانيه
والقلب من فعل اليهود محروقي
ويسئل عراقي يوم حل القضا فيه
هبت عليه بليل قبل لشروقي
وسوري وليبي واليمن ماني ناسيه
الكل منهم جاء فريست بيوقي

[ابن الصحراء]

هذه القصيد للشاعر إبن نومان من الفردة من قبيلة حرب وهي تحث على مكارم الأخلاق وخاصة الكرم

لى ضاق صدري قمت عجلٍ بحيني= وقلطت بغدادٍ على صالي النار
ربيع قلبي هرجة الغانميني= لى جوا مساييرٍ وبالبيت خطار
عساك ياللي تكره المقبليني= بالفقر بالدنيا ولى مت بالنار
ترى سحوت المال للوارثيني= فكر بما قبلك من الناس وش صار
جيلٍ قفا جيلٍ قفوا ظاعنيني= وردوا على عد ولا منه مصدار
إما قويت النفس دنيا وديني= ورثت مع ربعك جمالات واذكار
لو عشت فانت بحسبة الميتيني= وإن حل ذكرك قيل لك طفيت النار

[ابن الصحراء]

خاطره بسبب تعطل مصرف الراجحي

الراجحي خرب الرصه
ضيع علينا مكاسبنا
اليوم غايب عن الحصه
ولاشال هم لمطالبنا
سليمان هو يعلم القصه
ويدري ببنكه معذبنا
والا بها شي له نصه
يربح بسبت مصايبنا

[ابن الصحراء]

دجت الشمال وجيت حزم الجلاميد = حيث ان لي به ذكرياتا قديمه
وشفت البيوت الي نجيها تراديد = نطرق مجالسها بليا عزيمه
ونلـقا رجـال يـحـرقـون البـغاديـد = ويكثرون الهيل لو زاد قيمه
من بيت ابن مذود لمزعل وابوعيد = بابوابها بس السوافي مقيمه
مهـجـورتا مـاكـن قــلـط بها عـيد = ولاحط فيها للنشاما وليمه
وحرفت وجهت موتري دون تحديد = حرفة حصان اللي قنع بالهزيمه
وقفيت اناجي ماضي الوقت واعيد = ذكرى السنين الي بالاوتار نيمه
وجـهـت للضـيان مداهـل رشـيد = شيخً علومه بالمواقف عظيمه
اخـبـر بـيـته مـد هـلً للاجـاويـــد = ومن جاه يلقى به كرامه وشيمه
لكن لقيت الوضع ماهو كماريــد = الدار خالي والمباني هديمه
الوقـت قـفا بالـرجـال الصـناديـــد = اهل المكارم والنوايا السليمه
اخبارهم راحت كما شرد الصيد = او جـرةً نقصــها عقب ديمه

[ابن الصحراء]

خاطره بعد جوله شماليه

quote=ابن الصحراء;1141956]
دجت الشمال وجيت حزم الجلاميد = حيث ان لي به ذكرياتا قديمه
وشفت البيوت الي نجيها تراديد = نطرق مجالسها بليا عزيمه
ونلـقا رجـال يـحـرقـون البـغاديـد = ويكثرون الهيل لو زاد قيمه
من بيت ابن مذود لمزعل وابوعيد = بابوابها بس السوافي مقيمه
مهـجـورتا مـاكـن قــلـط بها عـيد = ولاحط فيها للنشاما وليمه
وحرفت وجهت موتري دون تحديد = حرفة حصان اللي قنع بالهزيمه
وقفيت اناجي ماضي الوقت واعيد = ذكرى السنين الي بالاوتار نيمه
وجـهـت للضـيان مداهـل رشـيد = شيخً علومه بالمواقف عظيمه
اخـبـر بـيـته مـد هـلً للاجـاويـــد = ومن جاه يلقى به كرامه وشيمه
لكن لقيت الوضع ماهو كماريــد = الدار خالي والمباني هديمه
الوقـت قـفا بالـرجـال الصـناديـــد = اهل المكارم والنوايا السليمه
اخبارهم راحت كما شرد الصيد = او جـرةً نقصــها عقب ديمه[/quote]

[ابن الصحراء]

بالغيب ماني عارفٍ شين
اليوم انا اشوف جوي صافيا زين
والنفس فيها ابتهاج وزود راحه
يمكن يجينا مطر او ناس غالين
يجون بالبيت ولا الاستراحة
انسان بالغيب ماني عارفن شن
لكن الاحساس وبالبال انشراحه

[ابن الصحراء]

وطنا

يا وطنا جعل عيدك يعود بكل عام = دام عزك في ذرى شيخنا مرهب اعداه

سم لاكباد العدى والمسالم له سلام = يامن العثرات من لاذ في فية عصاه

ياوطنا ورثنا من مشاهيرن كرام = جيل ابو تركي فخرنا مطوعة العصاه

ابعدو عنك الخطر ونجلا عنك الظلام = لين نور العدل من قاعها عانق سماه

من خليجك للبحر للجنوب لحد شام = حرروك ووصو الجيل وحفضنا الوصاه

الوصيه نصها عن حدودك ما ننام = ومن تهقوى نقول له طق راسك في حصاه

ياوطنا دونك ارواحنا تحسب عدام = لا طمع بك خاين العهد ما نبغا الحياه

[ابن الصحراء]

قال الشافعي رضي الله عنه
من واجب الناس ان يتوبو
لكن ترك الذنوب اوجب
والدهر في صرفه عجيب
وغفلة الناس عنه اعجب
والصبرفي النائبات صعب
لكن فوات الثواب اصعب
وكل ماترتجي قريب
والوقت من دون ذاك اقرب

-- سؤال مني ماهو ذاك ---- اعتقد لابد الكل واصل لذاك يالله حسن الخاتمه

[بني حرب]

قال الشافعي رضي الله عنه
من واجب الناس ان يتوبو
لكن ترك الذنوب اوجب
والدهر في صرفه عجيب
وغفلة الناس عنه اعجب
والصبرفي النائبات صعب
لكن فوات الثواب اصعب
وكل ماترتجي قريب
والوقت من دون ذاك اقرب

-- سؤال مني ماهو ذاك ---- اعتقد لابد الكل واصل لذاك يالله حسن الخاتمه

من قوقل :

سأل ناسٌ الشافعي -رحمه الله- فقالوا له: مارأيك في واجب وأوجب وعجيب وأعجب وصعب وأصعب وقريب وأقرب ؟

فقال: من واجب الناس أن يتوبوا، لكن ترك الذنوب أوجب والدهر في صرفه عجيب، وغفلة الناس عنه أعجب والصبر في النائبات صعب، ولكن فوات الثواب أصعب وكل ما ترتجي قريب، والموت من ذلك أقرب!

[ابن الصحراء]

من قوقل :

سأل ناسٌ الشافعي -رحمه الله- فقالوا له: مارأيك في واجب وأوجب وعجيب وأعجب وصعب وأصعب وقريب وأقرب ؟

فقال: من واجب الناس أن يتوبوا، لكن ترك الذنوب أوجب والدهر في صرفه عجيب، وغفلة الناس عنه أعجب والصبر في النائبات صعب، ولكن فوات الثواب أصعب وكل ما ترتجي قريب، والموت من ذلك أقرب!

شكرا لك بني حرب على التعليق والتعديل ولك تقديري وحترامي على نقل الموضوع للمنتدى تحياتي

[بني حرب]

شكرا لك بني حرب على التعليق والتعديل ولك تقديري وحترامي على نقل الموضوع للمنتدى تحياتي

لا شكر على واجب ولا يوجد تعديل اضافة ومشاركة .. الشكر لك أبو فارس ما قصرت موضوع مميز ومتابعين لك

بارك الله في علمك وزادك الله علم تنفع به