🌹 ما عطيت إلا و أنا قد العطا

[ابن الجراح]

يامل قلب ٍ عانق الفطّر الفيح
كنه على كيرانهن محزومي

ما اخلف وعدهن يقع تخلف الريح
ألاّ ويشد الظلع ظلع البقومي

يا ناشدٍ عني تراني شليويـح
قلبي على قطع الخرايم عزومي

لا قلّت الوزنة وربعي مشافيح
أخلي الوزنة لربعي واشومي

وليا رزقنا الله بذودٍ مصاليح
يصير قسمي من خيار القسومي

أضوي ليا صكّت علي النوابيح
واللي قعد عند الركاب مخدومي

وإن كان لحقوا مبعدين المصابيح
معهم من الحافر سواة الغيومي

ليا ضربت السابق أم اللواليـح
كلٍ رفع يمناه للمنع يومي

لشاعر شليويح العطاوي

[ابن الجراح]

تدري وش اكثر حـاجةٍ تجرح الروح
لا طااحت الامطار و(انته مدااوم )
اليـاا بغيـت تروح ، ، مـاا تقدر تروح
وان جـااتك علوم المطر مـاا تقاوم

[ADMIN]

في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب

[ADMIN]

ناس تفكر همهم..يسعدونك
وناس تفكر كيف تقدر..تبكيك
لا تشتري من حاولو..يخسرونك
ولا تخسر اللي فكر بيوم..يشريك
مافي اجمل من صديق..يصونك
ولا فيه اقسى من قريب..يعاديك
اكبر قهر لا صار ناس..يبونك
وانت تبيهم بس حظك..لعب فيك

[AbuNader]

غـلاة الإنسان من مكنون اطباعه
‏ماهي من القرب ولاهي من المنظر
‏
‏كم مبعــدن صورته بالعين لمّاعه
‏وكم من قريبن كأنه شيء لا يذكر