❤️ المساجـــله الشعـــريـــــه .،.،.

[طيب القلب]

يامنتصف عقلي وقلبي وموقـي
بالمختصر تجول في كل الاعماق

تعال قرب حس نابض عروقـي
واياك تطري يالغلا لحظة فرااااق

[AbuNader]

قل للمقفي ماعلى وصله حسوف
شعلة سراج هبه الوقت وطفى

انا رفيقي ما تغيــره الظروف
ولا يستمع في غيبتي هرجة قفى

[طيب القلب]

أشــوف زولــك داخــل القـلـب جلّـيـس
لـو كـان فـي وسـط المعالـيـق عـكّـاس

هـــذي المـحـبّـه كـلّـهــا بـالأحـاسـيـس
حـس البعيـد وحـس أقـرب مـن انفـاس

[AbuNader]

سرا الليل يا قلبٍ همومه تلوفه لوف
ومن الضيق كن القلب تنزع شرايينه

[ADMIN]

هو صحيح احنا التقينا ؟ هو صحيح انت قبالي ؟
هو صحيح اني حبيبك ؟ كان لي حق اسألك ؟
كاني احلم طلبتك .. خلني هايم لحالي
خلني بالحلم عايش فيه دامي به معك ..

[AbuNader]

كـلٍ على مقـدار فـعـله عطيـته
القصد واضح والكلام اختصرته

اللي نسـاني ماذكرني ؟ نسيـته
واللي ذكرني مانساني ؟ ذكرته

[طيب القلب]

هذاك أول إذا قلت بتخليني
تبين دمعتي بعيني
ماعاد يهمني بعادك
ماعاد اهتم مثل أول
انا قلبي ترى تحول

[AbuNader]

لا قامت الدنيا تـعاكس مسـارك
والحظ رابض والليالي معاسير

عيش الأمل واصـبر على ماجرالك
واعرف ترى كل المصايب مقادير

[طيب القلب]

ربيع قلبي يوم اشوفك واناجيك
واعطيك واخذ منك حلو الكلامي

[AbuNader]

ياهلا بـ أسباب السهر
ياهلا بـ طيوفه والاشواق

[طيب القلب]

قام يتغلا وأنا أتغلا معاهــ
كنت أبيه يحس لكن ماعليه

[AbuNader]

هذاك لا شفته بكت عيني عزوم
وصاحت ضلوعي بالغلا والرحابه

[طيب القلب]

هان الهوى يومك رضيتي تهونين
 وأفراحنا صارت علينا بعيده
وش الجديد بعالمك يفرح العين
لجل أعشقك بإحساس روح جديده

[ADMIN]

هٰـذاگ أول يوم قـلبـي يـنـاديگ
يومـگ تحسّ و بالغلا محتويني
ٰ
قلبگ تغيّر ولاعاد قربي يسليگ
واليوم انا مثلگ (ما عدت تعنيني)

[طيب القلب]

يابعد روحي ترى ماني شحوح
خذ عيوني كان قلبك طاعني

بس عطني كلمه فيها وضوح
وكان انا غلطان بالصد جازني