(( خــيـــمـــــة ســـــــواااالف اعــــضـــــااااااء منتديات المضارب ))

[حمزه]

هلا بونادر حياااك

[حمزه]

ماعاد به للنوم يا عين مدخال
مادام غاب الي له القلب كله
البارحه صوته على مسمعي طال
وداوا جروحٍ للحشا مستحله
واليوم غاب الصوت وانسلت الحال
غاب وحضر بالبال زوله وظله
وانقطعت اخباره ولا دز مرسال
والخوف سهر ناظرٍ مايمله
ليت القلوب بوسطها موجة ارسال
اتطمن العاشق ليا غاب خله
وتكف شر الدمع وتريح البال
وفي غيبته لاغاب يعّرف محله
مايذبح احساس الغلا غير الإهمال
عز الله انه للمحبين عله

[الراصد الآلي]

سـولف لـي عـن غـيبتـكـ وشـلون دنـياكـ ,,

عسـاكـ تضحكـ والحـزن مادرابـكـ ,,

لـو شفـت حـالـي كـيف عـايشه بليـاكـ ,,

تبـكي وتـلعن غـيابكـ ,,

لامـر طيـفكـ قلـت اقـلط وحـياكـ ,,

وسـط الفؤاد اللـي هـواكـ وشـقاكـ ,,

[AbuNader]

يثور في قلبي مـن الهـم بركـان
ويصيح بي شوق ٍكما الريح عاتي
من وحدتي أصرخ وما حولي انسان
واسمع صدى صوتٍ ينادي شتاتي

[حمزه]

[ليالي]

هذي الخيمه !!؟
ماعرفتها كلها اشعار وشيلات وين السوالف !؟

صباحكم ورررررررررد


.

[حمزه]

هذي الخيمه !!؟
ماعرفتها كلها اشعار وشيلات وين السوالف !؟

صباحكم ورررررررررد


.

اهلا دموووع صباحك خير وابتسامات وهاتي الهرجه وكلنا اذن صاغيه مرحبابك

[ليالي]

هلا بك اكثر
والله ماهنا هرجه
قلنا بس نصبح ونسلم

.

[حمزه]

ولا دله ولا قهوه ولا شاي

[ليالي]

مر على اقرب محل تميس وجيب 5 بسكوت و5 بالسمن
و5 عادي و5 بالجبنه وكرتون ميرندا
وتعال نفطر


.

[حمزه]

ياساتر بالخمسااات وليه ؟انتي 5نفر في واحد ههههههههه
والا معك عصابه
ابشري

[ليالي]

تقدر تقول كذه
هههههههه

يعني يهون عليك تاكل والباقين يشمون الريحه ويطالعون
شفت اني افكر في غير نفسي يا اناني


.

[حمزه]

من حقك تمدحي نفسك ولكن ليش تذمي غيرك (يااناني) هههههههههههه
عالعموم زيني القهوه ومشوار وراجع لك بكل طلباتك ابشري

[ليالي]

خلاص انا اعتذر

لا تتاخر علينا وانا بصبر نفسي بكيس صامولي لين تجي

.

[حمزه]

خلاص انا اعتذر

لا تتاخر علينا وانا بصبر نفسي بكيس صامولي لين تجي

.

ياساتر لا والله ماني جي ممكن تخلصي علي مع التميس يالطيف