بعض من ذكريات الماضي

[ابن الصحراء]

خاطرة

للحرب بالله استعنا
نبي نهين المجرميني
يوم ان طبل الحرب دنا
زانت لقمع الطامعيني
بارواحنا نفداء وطنا
عادات من ماض السنيني
ونبح الجعر ماقد شحنا
حنا كعام المعتديني
وحنا ذرى للي زبنا
دونه نرد الخاينيني
سلمان يامرنا وحنا
لامره جنود ٍ طايعيني
وخليجنا ماحد ن تونا
لبوا وقالو حاضريني
جاك الخبر والعلم منا
يالرافضي ناد الخميني
وطلب وساطة من تثنا
عن ركبنا عود يميني
وحلم يجيك الي تمنا
لو بالملالي تستعيني
الرد السريع على هذه المشاركة

[ابن الصحراء]

هبة العاصفه وامطر سماها * وستهلت على روس الطغات
وحاست اللي ماحسب للقوافي* لين ذرت على راسه رماد
هبة المملكة لاجل اقصراها* من زبنها يبشر بالنجات
عند سلمان يامن مايخافي * لين يركب على وسق الشداد

[ابن الصحراء]

الاخوه الاعزا وجدت بعض الكتابات التي بعضها موجه لي وقد يحتاج بعضها لنقاش او ردود
ولكني جديد بالمنتدى ولاعرفت بعض اجراءته وطرق المراسله فارجو عدم المواخذه على عدم التجاوب ولكن يكون التجاوب مؤجل الى ان نلم بالاجراءت وشكرا للجميع

[ابن الصحراء]

[size=5]اغلب الابناء والزوجات لايعرفون قيمة الاب الا بعد فقده ويزيدني الما اذا خطب الخطباء والدعاه
تكلمو عن الام ونسو الاب الاب اوسط ابواب الجنه الوالده اذا كانت قد حملتك في بطنها 9 شهور
فوالدك حمل جميع العائله في عقله وقلبه العمر كله
اسالو من فقدوا اباءهم ليخبروكم عن سعة الفقد

منقول

[ابن الصحراء]

قال مدغم ابو شيبه
ا

حتاج وجهٍ بسمته في محياه -- حاجة فقير راس ماله حزامه

يقول يا ويلي على المال ويلاه --واقول يا ويلي على الابتسامه

وقال بندر بن سرور:

أنصحك ياللي رشّك الشيب عميان - - -- وادي جهنم حادر(ن) مع شعيبه

يطغيك زود المال والزود نقصان -- - غادي بسوق السوء ليه تغدي به

لا تدّعي بالمال رابح وخسران -- ---- يفلجك من زين العمل يدّعي به

وافطن لكلمة ويل يوم للانسان -- --- في موقف ما ينفع المرء جيبه

للشر ميزان وللخير ميزان -- ------ تكتب ملائكة السماء وتعدي به

خذ لك نصيحة واحد داج الاكوان -- -- جرب غرابيل الدهر من نصيبه

من جاهد الدنيا بلا رووس جنحان -- -- يصبر لصكّات الزمان الرهيبه

[ابن الصحراء]

لاصرت ماترغب التصريح
بالهرج عن سرك الخافي
ون كان عبرت بالتلميح
بعض العرب جاه خفخافي
لكن اباعطي لك التوضيح
ماني على الهرج مزهافي
لو صرت لبعض الدروب مشيح
اعرف مسيري وميقافي

[ابن الصحراء]

الماده الرابعه عشر من نظام مكافحة الرشوة المعدل بالمرسوم الملكي رقم 2/35
في 13/10/1388هـ ينص على ان يعفى الراشي او الوسيط اذا اخبر السلطات
بلجريمة قبل اكتشافها --

تكفون ساعدوا على كشف اهل الرشاوى

[ابن الصحراء]

من عاش بالدنيا يشوف العجايب = له تنكشف مع طول الايام الاسرار
الى عطاه الله جزيل الوهايب = ومدد بعمره مع طويلين الاعمار
يشوف بالاوضاع مايل وصايب = ويلقا مع الاصحاب مخلص وبوار
ويسمع علوم ٍ مع مودي وجايب = تحط شئ صار لو كان ماصار
احيان تاتي من قريب القرايب = يحسد رفيقه ميزة ٍ فيه ويغار

[ابن الصحراء]

فوقه اللي للخوي عز وفلاحي
دارسين الطيب من عقب الجدودي
والمراجل دربها عسرا سماحي
دربها ولد الردي عنه محدودي

[ابن الصحراء]

بيش افكر والتفاكير راحت كالسراب
و ن رسمت الخط جاه العجاج ودمدمه
والعرب ماتقبل النصح ويزعلها العتاب
ومع كثير الناس تلقا النفوس محطمه

ابو فارس

[هنادي]

بيش افكر والتفاكير راحت كالسراب
و ن رسمت الخط جاه العجاج ودمدمه
والعرب ماتقبل النصح ويزعلها العتاب
ومع كثير الناس تلقا النفوس محطمه

ابو فارس

أبيات جميلة جدآ .. تستحق عليها التقييم والشكر

أبوفارس دااائمآ تتحفنا بكل ماهو جميل وراقي .. لاعدمنا وجودك وعطاؤك .

[ابن الصحراء]

أبيات جميلة جدآ .. تستحق عليها التقييم والشكر

أبوفارس دااائمآ تتحفنا بكل ماهو جميل وراقي .. لاعدمنا وجودك وعطاؤك .

يزيد جمالها مرورك يعطيك العافيه

[ابن الصحراء]

ياجماعة كيف مافيكم حميا $ من بغا درب الشكاله تشمتونه
لو بغيت البخل درب الجود عيا $حالف ٍ مارضى لنفسي بالمهونه
المراجل ماتهيا هالسويا $ كود من عض النواجد في سنونه

عبدالله القريفه المطيري

[ابن الصحراء]

مــدحـــــــي لربعـــــــي قـــــــــــارنه بأحتــــــــــــــرامي * مـــــاني غشـــــــيم ولانـــــــــويت أتغيِشـــــــــــــــم
مــــــــالي بـــــــــذم اعيـــــــال حـــــــــام ٍ وســــــــــامي * للنـــــــاس دون احقــــوقهـــــا عــــــزم وهـــــــــمم
مــــن ذم خـلـــــق اللـه تـــرعــــــرع وهــــــــــــــامي * وصـــــــبح طـــــريح اوهـــــــــامه اللـــي تــــــــوهم

قادر على مدح قبيلته دون ان يمس القبائل الاخرى

سبيل بن سند رجمه الله

[ابن الصحراء]

كما يقال إن جهزاً مجاب الدعوة فقد قتلت فرسه فطلب من والده فازع أن يعطيه الفرس ليغزو بها مع الغزو على قبيلة حرب لأن فرسه قتلت لكن والده رفض أن يعطيه الفرس لأنه قد وعد شخصاً اسمه كديميس بالفرس فكره أن يخلف الوعد وفعلاً أخذ كديميس فرس فازع بن شرار وفي الصباح تأهب الغزاة ثم توجهوا في طريقهم الى البيضان والدهاليس من حرب أما جهز بن شرار فقد جلس على رجم مرتفع من الأرض وأخذ ينظر إلى الغزاة ولا يستطيع الذهاب معهم أن فرسه قد قتلت فقال:


يوم اسهجني نابيات النسانيس
الموت عندي والحياة متساوي
عسى فقيدة قوم فازع كديميس
يضرب برمح بين الأضلاع هاوي
الله يجيبه له على درة الديس
بمشلشل عوده طويل رهاوي
تكفون يالبيضان هم والدهاليس
تلقفوا له عندكم بالمطاوي
اما أنت يا مثال ولا أنت يا نعيس
حيث انكم قدامهم بالحراوي
حيث إنكم فرّيس وعيال فرّيس
أهل امهار الخيل ما أنتم شواوي

أجاب الله دعوة جهز بن شرار فقد ضرب مثال ونعيس كديميسا برمح طويل رهاوي كما قال فقتل كديميس وأخذت الفرس ولكن حرباً عندما سمعت بقصيدة جهز بن شرار ومدحه لهم ارجعوا الفرس إلى صاحبها والبيضان والدهاليس هما بطنان من حرب ونعيس هو نعيس بن دهيليس من الفردة من حرب ومثَّال هو مثَّال بن غنمين وجميعهم فريس وعيال فريس رحمهم الله وغفر لهم. ---- الراوي ناصر المسيميرس