رد: متابعة اسمنت الجوف
المشاركة الأصلية كتبت بواسطة ابوفراس
لا والله يا قلبي انت وياه الأربعاء والخميس والجمعه ثلاثة ايام عند العرب تضيف فيها الضيف وتكرمه وانتم من أهل الموضوع وتعتبرون في محل راعي الموضوع وعليكم واجب ( تدافعون ) عن الضيف اللي يتعرض له أحد
لكن تجلس تسفط يدينك وتتفرج وبعد ثلاث ايام تجي على هوى نفسك وتحكم على الضيف وهو يدافع عن الموضوع ايام انت نايم فيها والا رايح تتمشى والا معك دله وقدوع وتتفرج لا والله الا كمل نومك وتعش وامش
لكن انا احب اقول جمله لابد يفهمها كل شخص : المحلل مثلك تماماً إنسان له قلب وعقل ولسان ومشاعر ويفرق عنك إنه شخص امامه برامج تتفقع عيونه من كثر المتابعه والمراقبه لعدة شاشات في لحظه واحده وينتهي التداول وهو جسد بلا روح ميت ويطيح على فراشه ولا يقوم الا بعد ثلاث اربع ساعات ولم يتهنى بنوم مثل المغمى عليه وتجي انت او غيرك وتطقطق وتفكر نفسك ذكي وتشيل وتحط على ظهر المحلل هالكلام وكل اللي تعمله تقرأ تحليل متعوب عليه لساعات وتعطى خلاصه من كلمات بسيطه وعلى اساسها تشتري وتبيع والمحلل عندك مثل الشعير مأكول مذموم ومشروب مذموم
هذا الكلام اوجهه لكل شخص لا يقدر عمل المحللين لست اتكلم عن نفسي لا انا اعتبروني من الماضي لكن انا اقول هالكلام حتى تعرفون ان اي محلل تراه يتعب ويهلك لاجل يقدم النصيحه لكم لانه يعرف المصاعب اللي تواجهونها وراحته من راحتكم هالكلام لا اقصد به الاخوان الاثنين اللي رديت عليهم اقصد به الجميع ترا احنا بشر جينا ناخذ فلوس من السوق ما جينا نستذكي على الناس ونرمي كلام ونستفز احد ولا نستفز الا المحللين اللي يتعبون لاجل المئات وربما الآلاف.
انا والله كل رد احسب حسابه يكون يفهمه الجميع ويكون فيه خطوط حمراء وبنفس الوقت احب اعلمكم ان المحلل اذا صار مكيش وفاضي يقدر يجاريكم ويقدر يعطي كل واحد درس يكفيه شهر كامل لنا لسان ولنا سلطان ولنا حجج واسلوب نقلب الطاوله على اللي يبحثون عن التخريب لكن مشغولين بالتحليل وربما البعض لاول مره يرى الوجه الآخر للرئيس وربما البعض بيأخذ إنطباع سيء وربما القليل فقط من سيفهم هالكلام
لكن نصيحه لكم إن أنتم حاربتم المحللين ولم تقدروهم ولم تتلطفون معهم ستخسرونهم جميعاً يوماً ما وهيا اجلسوا عشر وعشرين سنه تعلموا التحليل وعانوا مثل ما عانا المحللين من السهر والدراسه والبحث والتجارب وبعد عشرين سنه تضيع من اعماركم بتكتشفون ان الموضوع سهل عليكم لكن صعبتوه.
متأكد إن كل محلل يتم استفزازه او العبث معه يشعر ان من امامه لا يفهم ولا يقدر المعاناة اللي يعانيها والوقت اللي يقدمه من حياته وعلى حساب اسرته ونفسه لأجل ناس ما قدرته ولا قدرة هالجهود
العقوق صعب يا اخوان على من وضعك في قلبه وخسارة الناس عندي اسهل من خسارتي لنفسي حنا أصحاب مبدأ ونرى انفسنا وانفسكم والجميع كتله واحده ولكن بعض الناس لا يرى الا هوى نفسه والسلام.
مواقع النشر (المفضلة)