❤️ المساجـــله الشعـــريـــــه .،.،.

[طيب القلب]

دع الحرف فيه جمـال الزهور
وفي اللفظ معنى كعزف الوتر

[كلي طموح]

رميتني بالصد والهجر يا زين
........ وانا عطيّتك من حياتي حياتي

بعد يدور الوقت وتشوف بعدين
......... وتبكيّ علي لا جات ساعة وفاتي

[طيب القلب]

ياساكن عروقي ولك ضلوعي شهود
وشريان حبي يرسم الشوق ويعده

[ADMIN]

هلا باللي عجزت ألقى عذاريبه
هلا باللي تحبه كل أسبابي
مساءٍ فاق كل الشعر ترحيبه
بجيّة من سكن قلبي و أهدابي
مساءٍ فاض بالإحساس و الطيبه
مساءٍ ما يليق إلا بأحبابي . ...

[طيب القلب]

يبقى سبب موت آلغلا قل اهتمآم
لا صآر من تغليه ما يوله عليك

[ADMIN]

كنت لي ضحكه وضي ،
كان حبك كل شي
مات قلبي وانا حي
، آه لو تدري شقتلت

[طيب القلب]

تعبت أداري الدمع وأخبّي ..
وأحنّ لين الحين .. لـلماضي

العقل : راضي بْـما كتب ربّي
والقلب : لين الحين مو راضي

[ADMIN]

يطيح جفن الليل واهز كتفه
نجمٍ يفزّ وباقي الليل مطفي

ليت الشوارع تجمع اثنين صدفه!
لا صار شبّاك المواعيد مجفي ؟

[المال عديل الروح]

يامل قلب يسج وفيه دولاجه

من هاجس بالضماير قام يدرجها

في معزل عن جميع الخلق وازعاجه

ما اسمع من الناس لوتكثر لجالجها

ماغير اهوجس تقول مضيع حاجه

آخذ واسند على روحي واهرجها

وادوج لوكان مارجلي بدواجه

ادلّه النفس لين الله يفرجها

يالله يالي بيدك الضيق وافراجه

ياخالق الخلق ياقاضي حوايجها

تفرج لعين الذي أغفت بسوهاجه

تجهز عليها الطواري لين تزعجها

نوب سهرها شديد ونب نهاجه

ومر تكن الدموع ومر تزعجها

عليك ياللي بقلبي كن وهاجه

وهاج نار هوى الغربي يسارجها

ابو ثمان تشاد اللولو لعاجه

كن البرد يوم يضحك في مفالجها

ياروح روحي وجرح القلب واعلاجه

الطف بحال عليك الهم ساهجها

قلبي يناجيك بسلوب الهوى .. ناجه

يشكي لك الحال داخلها وخارجها

اما التفت لي وتم الوصل بمواجه

والا بلا عشرة هذي نتايجها

وش ينفعك من حنين القلب وخلاجه

وجروحي اسبابها انت ولا تعالجها

[ADMIN]

أتعب على المعنى ويسهرني القاف
ويلذ لي تجريح عذب القوافي

وإلى مزج حبر القلم دم الأطراف
يصير لي معنى على الناس خافي

[المال عديل الروح]

يا تل قلبي تلة الجمس مع خط...ويا صيح قلبي صيحة السير لاصاح

[ADMIN]

حرام منك القطيعه .. والمواصل حلال
لو المشاعر تسولف جتك في صوتها

[المال عديل الروح]

اضرب رقم تسعه مع صفر واثنين
واطلب من المأمور رقم الشريحه
يمكن نسي الرقم ياكامل الزين
وإلا يدين الوصل صارت شحيحه
ترى الوفا يجمع على الحب قلبين
وترى الجفا خصله وعاده قبيحه

[ADMIN]

هليت دمعي من كلام المحبين
يومك تكلم عن غلاك البشاير !
ذكرتني ب حبن بقلبي له سنين
وذكرتني بالزين وزدت العزاير !
جرحتني في وسط قلبي بسكين
وخليتني اشكي واهل العباير !

[المال عديل الروح]

رفّتْ فراخ الطير في وكـناتها ** ترجوا الرواح يجيئها بالمغتدي