❤️ المساجـــله الشعـــريـــــه .،.،.

[ADMIN]

هلا باللي له الخافق يهلّي
من الفرحه وروحي به تهلي

[طيب القلب]

يكْفينـي آسلّـم ويكْفيـك ردّ السـلام
المهم أعرف إنّك حيّ في ذا الوجود

[صعفق الفايز]

دام الأمل موجود فالنفس خضاعه
حق العيون السود السمع والطاعه

[طيب القلب]

هذي هي الدنيا لها أشكال وألوان
تضحك لك وتلقا بها مايريبك

[صعفق الفايز]

كم غسلنا وجهك النعسان بالدمع وحريقه
كم على عيونك تقاسمنا الوصال وما شبعنا

وكم رسمت احلامنا في قلوبنا صدق وحقيقـه
كم صدقنا في مواعيد الغـرام وكـم رجعنـا

[طيب القلب]

أنا مقدر على بعدك على صـدك علـى فرقـاك
يمـوت بغيبتـك قلـبٍ نـزف لـك حـرّ حسراتـه

[صعفق الفايز]

هب نسناس الهوى لي من شمال
حاملٍ ريح الخزامى والنفل
من فياضٍ ظبيها يلعب دلال
لَى لمح ظلّه من النشوة جفل

[ADMIN]

لاصرت انا والقلم والدفتر احبابك
يحق لك لو تقول ان الشعر داري
ما قلتها قصدي اني اكسب اعجابك
لكني بهذي ادري ويش مقداري
الصعب جذاب وانت الصعب يزهابك
وانا على الكايده يا عاشقي ضاري

[طيب القلب]

كل يوم يذوب في قلبي وريد
أتصبر مير ما عندي جلد

[ADMIN]

دامك مشيت اخذه معك لا تخليه
القلب هذا عقبك انهد حيله

[صعفق الفايز]

دلة الشوق فاحت حسبي الله عليها

[صعفق الفايز]

فتحة البوق ناحت حسبي الله عليها

علامك تنوح انت وزقمك ههههههههههه

[ADMIN]

للتوضيح

طبعا أقصد بالبيت المقتبس اللي تقول عنه راح

أما اللي هنا له احترامي هو وجميع الأعضاء المحترمين

الله يسعدك اخوي الفال

[صعفق الفايز]

اخوي صعفق اشوف خاطرك معي ماهو شي ، وانا والله ما خبر اني زعلتك
وتصرفك هذا أكيد وراه سبب ، أخاف لا يكون أحد غلط عليك سواء الآن أو
في شبابك او في طفولتك ومشبه علي ، أخي إذا كان إعتقادي صحيح
تراك غلطان ماهو أنا وأقسم بالله العظيم

لا والله ما اعرفك الا من خلال قصايدك ومشاركاتك

المهم دامك تكلمت بقول لك اللي يقرقع بقلبي

انت اسلوبك غريب انا بالنسبه لي مافهمتك ولا انت فاهم علي

عموما بالتوفيق


>>>>>> مالي خلق اجادلك ولا يهمني الصوره اللتي نسجتها عني في مخيلتك

[ADMIN]

لا والله ما اعرفك الا من خلال قصايدك ومشاركاتك

المهم دامك تكلمت بقول لك اللي يقرقع بقلبي

انت اسلوبك غريب انا بالنسبه لي مافهمتك ولا انت فاهم علي

عموما بالتوفيق


>>>>>> مالي خلق اجادلك ولا يهمني الصوره اللتي نسجتها عني في مخيلتك

اخوي صعفق كمل المساجله الله يسعدك
حرف الالف ..