❤️ المساجـــله الشعـــريـــــه .،.،.

[طيب القلب]

هَــات الْـوَجَـع يَـــا رُوْح رُوْحِـــي بْــشَّـيْـلَـه
لَـبِّـيْـه يَـــارُوْح الْــغَــلَا قَــــوْل وِش فِــيــك

[ADMIN]

كل ماتخطي أقول أنك تمون وغالي
المشاعر في يدينك وأنت بصرك فيها !

لو تعرضها على شانك لهيب الصاااالي
ماشكت لك من حرارتها ومن صاليها !

[طيب القلب]

اخر قصيدة حب موضوعها فيك
مضمونها ياصاحبي لوم وعتاب

يوم غبت عني كل يوم احاتيك
انت الوحيد اللي عن البال ماغاب

[ADMIN]

باعتذر لي عنْك من قلب ووريد
لا يهزّك شي .. لو حزني دنا
،
استلم خنجرك واطعن من جديد
جرحي الغلطان .. والمخطي أنا

[طيب القلب]

اشم عطرك في يدينـي و اخاويه
دامك بعيد اليوم "عطرك بقى لي "

اسهر معه واتنفسه واحترق فيه
يمر ليلي ومرقدي ما صفا لي

[ADMIN]

ياداعي الليل .. وضلوعي لھا حنه
. بين السھر والشقا ومفارق الغالي
ماغير اهوجس واجر الصوت واكنه
. و الذكريات القديمه .. مالها تالي !

[طيب القلب]

يا صاحبي ليه أكره الناس لـ غبت
وأقول خذ قلبي معك منت راضي

[ADMIN]

يا قصيدة عمري الّلي تكتبيني
كل يومٍ حرف من نغمة هواك
ارحميني بالهوى وإلا اذبحيني
لا تخليني معلّق في سماك

[طيب القلب]

كــان تـبـغـى الكلام اللي عليه الكلام
‏صك قلبك عن قلوب العرب وأستريح
‏
‏مـر بعيون خلق الله مرور الكرام
‏مايضرك مـلام ولا يسرك مديح

[ADMIN]

حسبي على الذكرى ليا قلت سجيت
. كنها على بعض المشاعر تجنّى

[طيب القلب]

إن حكو بـ السعاده يقصدونك آكيد
وإن حكو عن حيآتك يقصدوني أنا

[ADMIN]

إنت عندي .. بس ينقصني : وفاك
وفي غيابك .. عيّت أوقاتي : تزين

[طيب القلب]

ناديت والليل جاوبني وبكاني
محدن سمعني سوى ليلاً نزع دمعي

[ADMIN]

يسهر الليل وقمر طيفك بعيني
والشّعاع الصبح يوقظ بي رجاك

[طيب القلب]

كثر مانادى العرب دوم اسمي
مرات ارد نعم ومرات اقول ايه

الا أنت ياللي جايب العيد رسمي
لا قلت آسمي قلت مليون لبيه