❤️ المساجـــله الشعـــريـــــه .،.،.

[طيب القلب]

هبّت هبوب ( الشوق ) ياليل بدري
وليه الهبوب تهب .. لحظة منامي ؟

يا صاحبي كانك عن الشوق تدري
وش سالفة صدك عن أنسان ضامي

[ADMIN]

يــــاطيــر وسّـع خـاطـرك فـــوق الاشجار
واصـدح بزينات اللــحـون الـجمـــيــــله
.
لو بــالـخــــواطر ضــيـــق واحزان واسرار
الـصـبــر غـايـات النــفــوس الــنبيــله

[طيب القلب]

هلا بك كثر مـا دق الخفـوق باسمـك وغنـا
هلا بك كثر ما تطـري علـى بالـي تفاصيلـك

[ADMIN]

كل شي إن زاد عن حدّه مضرّه
الغلا واهو الغلا لازاد ( غيره )

[طيب القلب]

هـلا بـك كثـر مـا نجـر الكـرام لضيفهـم دنــا
هلا بـك والهـلا مـن زود ترحيبـي تغني لـك

[ADMIN]

كثــــر الـــنهـــــار أشــتـــاق و إنــتي بعيـــده
الــــين أشــــوفــــك كثـــر ما تـــنبت أشجـــــار
ومــثـــل الــرمــــال أحــس روحــي وحــيــده
الي أجـــدبت عامـــــــين مـا طــــاحت أمـــطار

[طيب القلب]

روح احمد الله عليه .. تلقاني وقت الأسيه
حولك معك كل لحظة .. لأجلك حياتي شقيه
والجو جوك هناك
ولا كن واحد معاك
وانا قلبي طالب رضاك
دا حبي نحوك شعور .. اعمق بعمق البحور
اطول بمد البرور .. وانته علي تجور
روح احمد الله وبس

[ADMIN]

سمّيت هجرك ظروف .. وغلطتك زلّه
عشان يبقى طريق يردنّي .. صوبك !

[طيب القلب]

كيف ابرر للوفي شوقي لخاين
كيف اداري العيب وفيك العيب باين

[ADMIN]

حرف النُّون معاناه
مالقيت والله

[طيب القلب]

ناديت والليل جاوبني وبكاني
محدٍ سمعني سوى ليل نزع دمعي
ما غير ليلي من الاحباب واساني
يا ويل من همله ربعه مثل ربعي

[ADMIN]

يا صاحبي طالت عليّ المسافه
كل ما نشدتك قلت لي الدرب قدّام

..

وعدك مثل باكر أحبه وأخافـه
وما ينقضي باكر على مر الأيام

..

كان التعب يثمر فلا به كلافه
الله لو نقطف ثمر بعض الاحلام

..

ما اقول ضاع العمر عندك حسافه
انت الثواني عشتها وانت الاعوام

[طيب القلب]

مدري خذلت الناس والّا اخذلوني
موجود معهم بس ماحسّ فيـهم

إمّا جـميع الناس .. مايفهـموني
والّا أنا مـاني بـ فـاهـم علـيهم

[ADMIN]

ما تكلمت لكن سمعنا واطعنا
كن الناس مثلي كلهم يفهمونك
جيتنا في غرور ورحت تعلن ولعنا
لو انك تبيع كلامك والله اني زبونك

[طيب القلب]

كانك تغليت تستاهل و أنا اتصبر
على تغليك و الغالي هو الغالي