مختارات منوعه

[حمزه]

روحتك، ما تعني لي الخط مسدود
قبلك، وبعدك.. واجد اللي يبيني..!
غرور والا ثقه زايده والا وش هو ؟؟
ابيات جميله مضاربنا تسلم

[العاصفة]

روحتك، ما تعني لي الخط مسدود
قبلك، وبعدك.. واجد اللي يبيني..!
غرور والا ثقه زايده والا وش هو ؟؟
ابيات جميله مضاربنا تسلم

هذا المضارب
يستاهل الاثنين
الثقه والغرور
ههههه
يعطيك العافيه اخوي حمزه

[حمزه]

‏رغم جمال النساء لا زلتي الاجمل
انتي خطيره وانا تدهشني اوصافك

اضحك على اللي يقول الزين مايكمل
الزين يكمل ، لكن ( الاخ ) ماشافك "

[حمزه]

يجاملك رجلن يبا منك مصلوح
ويصارحك رجلن يدور .. صلاحك
هذاك يأخذ حاجته منك .. ويروح
وهذا معك ما .. همه الا .. نجاحك

[ADMIN]

ياحمود شب النار والرزق مضمون
بيدين ربٍ عالم الكون محصيه
ودن الدلال واترك الهم مركون
والا اجدعه بالنار تاكل بواقيه
وفل الحجاج وازهم الناس يلفون
شوف الرياجيل يقتل الهم يرديه
الضيف لامنه لفى كنه مزون
يحيي هشيم القلب ويطرد بلاويه
اليا لفاني عز واليا سرى عون
سبحان منهو في عيوني محليه
واليا جلس في مجلسي قلت ممنون
مسناده الخافق وعيوني مراكيه


(يزيد بن عبدالله الماضي)

[ADMIN]

لاغبت عني دمعة العين تبكيك
ولأجيت يمي خافق القلب حياك

[حمزه]

‏بشروا راعي الصـبر حلمه قريب*

*لو يطول الوقت لايفقد رجاه*

*دام ربي لمن دعاه المستجيب*

*ينتظر في يوم يكرمه بعطاه*

[ADMIN]

ما غبت عني يا وصيف المعاني
طيفك وليف الروح والقلب لك جار
يا غاية المطلوب وعدك ثواني
تروي ضمآ المجروح وتصون الأسرار

[حمزه]

ما غبت عني يا وصيف المعاني
طيفك وليف الروح والقلب لك جار
جميل هالتعبير

[ADMIN]

والمشكله : رغم محبتك وغلاك
واني رغم كل شيّ مشتاق وابيك
ما هوب من حقي يضايقني جفاك
ولااعشقك ولاالمحك ولااحتريك!!
لكن ما يخفاني ولا اظن يخفاك
حقي عليك .. انّك تطمنّي عليك!!

[ADMIN]

ما غبت عني يا وصيف المعاني
طيفك وليف الروح والقلب لك جار
جميل هالتعبير

تعبير فنان
"بالغلط تعديل بدل اقتباس "

[ADMIN]

يا صاحبي لو كل شي يمر بالخاطر يقال
ما كانت العبره تولجني اليامنك طريت ؟!
شفني قدرت احبس دموعي بس دمع القاف سال
ويا كبرها ساكت ولكن داخل اوراقي بكيت !!

[حمزه]

‏عدّيتها مره ومرات امشّيها،
مليت اعاتب لين العتب ملّك
تعبت اتغافل الزله واعديها
لين اني بديت اتغافلك كلّك