عـزاه يلي يـقــضــي الـلـيـل سـهـران=لـيـل الـمـلا فـي نـــاظــــره صار ليلين

مـحـد(ن) يـجـيـله عـــانـيـن كــان ديــان=صــــاروا محـبـيــن الـمـصـالـح قلـيلين

دنـيـا مـصـالـح والـصـداقـة لها إثمان=بــالــمــال تــشـري لك قـبـيـلـة على الدين

أن كثر مالك صاروا أعداك صـدقـان=وان قـــل مــالــك بــاغـضـوك الـقـريـبيـن

اقـرب بـشـرمـايـنـظـرك نـظرة إنسان = وشلون تــنـظـرلـك عـيـون البعـيديـن

يـاصـاحـبـي قـلـي إذا كـنــت غـلـطــان=بســمـع كـلامـك واقتدي به وتهدين

وين الوفى مــالــه مع الناس عــنــــوان= قــلــوا هــلـه ولأفقدت الــعـنـاويـن

هـل هـو صـحـيـح انـه فـقد بين الأوطان= اولا زمان أهل الـوفى والـوفيين

أشوف للفرقه مع الـناس نـيــشــان= حــتى الأبن مـع والد ينه غــدا شين

الـنـاس تـبـي ألي مـن الـمـال بـطـران= يـبـغـضك أخوك ليا طلبته بـعدحـيـن

أن كنت والله فاضي الجيب خسران=جـيـبـك سـندك وصر على الرأس والـعـين

تلقى مكانك صاير(ن) بين الأعـــيان= لــوكــنــت مـــاتـبــذل من الـمــال قـرشـيـن

الــمـال خــلـى قـاصـر الـكـف سـلـطان=ولـــد الردي صـــارت تـخــدمـه سلاطين