يـامهبط الوحي لو تكثر عليك الغزاه
يبقى شموخك شمــوخ وهيبتك ثابته


الشعب والحاكم العادل بوجه الطغاه
لو بصمة العار بوجيه العرب نــابته


بين اختلاف المبادي وانتهاك الحيـاه
صمودنا كل نفسٍ خاينه هـــــــابته


لك الولا يامليكٍ كل فخر احتـــــواه
على الهدف حازم التركيز بصــــابته


ماهزعرش الوطن من يطمعون بثراه
مدحور مدحور خوّانه ونصـــــــابته


الشعب والسيف والبندق وفكر الدهاه
تقص روس العدا وتبور طـــــــلابته


ومن ساق عمره علي الموت المحقق لقاه
غشيم ويسوق دمه يم شـــــــــرابته


ياالله ياالله ياللي كل مؤمن رجـــــاه
يرفع لك العبد يدّينه وسبـــــــــابته


انك تحفظ المليك وموطني من اعـداه
ياداحر الشر شتت شمل جــــــلابته


واللي يدور على قتل اهله واقربـاه
تاطاه الاقدام وامه ماتقل جــــابته


حنا هل الدين والحاقد ينوبه خطــاه
الحرب له طايرّته وخشم دبـــــابته


وطن ماتحميه في ارضه وتحمي سماه
ماتستحق المعيشه خلف بــــــوابته!


ولك الولا ياالمليك اللي نقدر عطــاه
دون الوطن تدحر الحراب حــــرابته


يمحركين الحراك وعالم الأشتبـــــاه
مخطين نهج الرسول ونهج صحــابته


تسعون باالارض تخريب وجرايم طغاه
متبري الدين من فارس وكـــــذابته



منقول