الله لا يجزاك بالخير يا بوش ،،،،، ورطتنا في حرب صدام ورطه
عزمتني وتقول بترول وقروش ،،،،، بس الحقيقة روحتي معك غلطه
ماني وأنا توني مثل بوش بن بوش ،،،، الله خلقنا للمقادير سلطه
أبوك والنعمين مير أنت مربوش ،،،،، تموت بالبترول وتحب شفطه
يابوش كانك خفت يوم أحتمى الهوش ،،،،، حرام ما تأخذ من النفط نقطه
قبلك ترى شيراك قد راح مكروش ،،،،، شوفه يصرح كل يوم بمحطه
شيراك هذا عنده الفكر مغشوش ،،،،، فرط علي في مجلس الأمن فرطه
يدزه اليابان والصين ويطوش ،،،،، ومجهز الفيتو لتحقيق شرطه
وراك ما تعطي لبوتين عرموش ،،،،، تراه مشغلنا بشيله وحطه
ولينتها موضوعنا ترسل طروش ،،،،، وتجمع أحلافك وتمشي بخطه
يابوش أنا مرهق وخايف ومدهوش ،،،،، وأنته تقول الحرب خدعة وخطه
أسراي وأسراك أمتلا منهم الحوش ،،،،، عز الله إني صابني منك جلطه
ما قلت لك كم في إذاعات ودشوش ،،،،، لا تكشف المعنى وأنا غلطه
وإن قالوا إنا علوج وأصحابنا جحوش ،،،،، ما همنا الصحاف واللي يحطه