استودعكم الله الذي لا تضيع ودائعه، ودمتم بحفظ الله سالمين.

[ابو رغد]

ربي يسعدك ويحفظك .. ماجانا منك الا كل خير
ما نسمح لك ابد ابد .. اجازه لاباس اما غيرها لا
فديتك قول تم .. تكفى

ما الطفك يابو حسام وهذا ليس بغريب عليك
ابو حاتم كلمة تكفى تهز الجبال فلا تكسر بخاطر
الرجل الكفوووو ابو حسام .. ونحن طالبينك

طلبناك اخي ابو حاتم وان شاء الله ماترد طلبنا فوالله انا تعودنا وجودكم في هذا المنتدى ولم نرى منك الا الجميل من العلم النافع والأخلاق الفاضله
وقرارك بترك المنتدى والرحيل يعتصر قلوبنا الما ولانتمنى أن يتخذ هذا القرار من أي أحد من الأخوة هنا والذين احببناهم في الله وقدموا لنا مالذيهم من علم لوجهه تعالى

اكرر ما قاله العزيز ابو حسام
ربي يسعدك ويحفظك .. ماجانا منك الا كل خير(يالغالي)
ما نسمح لك ابد ابد .. اجازه لاباس اما غيرها لا
فديتك قول تم .. تكفى

علم العفا وعفاك يا وافي الكيل

بساطه أبشّرك في خير وعفا

نكفي بعضنا وانتكافا على الشيل

واللي تعب من الحطّ والشيل يكفا

من ذاق حرّ القايله يعشق الليل

ومن شبّ ضّوه ليلة البرد يدفا

لاعاد ليلٍ ٍ كنت به في حرى سهيل

وخايلت نوضٍٍ يخطف العين خطفا

امسيت من جيل ٍ ولا هوب ذا جيل

واصبحت والاّ ديرتي شبه منفا

كنّا على فال الشحم والمعاميل

ونفوسنا انقى من نقى العدّ واصفا

وانا ولو راحت بقولت : تساهيل

صلف وصروف الوقت تحتاج صلفا

ياترج جدّاني زحول الرجاجيل

يحرم فلا لي عنك ياترج مقفا

إمّا لطمنا العيل والاّ الطم العيل

مادام شبّ النار مندوب الأطفا

خل ابرهه الأشرم على ذمّة الفيل

وانظر لشيٍ مايوصفّه وصفا

ياذيل والله ماتجي راس ياذيل

علمٍ ماهو يغبى ولاهوب يخفا

واللي حما بيته بطيرٍ ابابيل

ماجيتك ادوّر لمن راح واقفا

ولا جيتك اطلب منك بن ٍ ولا هيل

جيتك وجرح الظلم غاديه يشفا

جيتك بكلمة كنّها صعقة الويل

إن قلت تكفى . لا تهاون بتكفى

تكفى تراها كلمةٍ تقطم الحيل

لا بالله الا تنسف الحيل نسفا

تكفى ماهي لمعقبين الفناجيل

تكفى لصلف وعادة القرم صلفا

تكفى ترى تكفى لها هدرة السيل

في صدر حرًّ ينتف الطيب نتفا

تكفى ترى تكفى لها تسرج الخيل

إن كان لك بالخيل سرج ٍ و عسفا

تكفى تبيّن كلّ لاشٍ وحلحيل

تسمع لها بالصدر هبدٍ ورجفا

تكفى وتكفى ماتساق لمهابيل

تكفى تخلي القرم لاشٍ وهطفا

تكفى تجنّبني هل القال والقيل

مانيب من ينكف على كل ملفا

تكفى تراني من قروم ٍ مشاكيل

حمّاية الساقه بسيفٍ وشلفا

تكفى ترى تكفى تهز الرجاجيل

ولولا صروف الوقت ماقلت تكفى



ابو حاتم يسعد مساك يالامير والله اني القلب يحزن والدمع يسقط فكل امر يحل بمشيئة الله