بيتين من الشعر اعجبتك

[العقيلي]

البارحة عيّن عيوني ينامن
واليوم من بعد السهر وضعهن سيّ

من كثر ماهن للصباح يتحرن
نجضت قلوب امواقهن والحدق ني

ان جا ظلام الليل رسل العنا جنّ
وقضيت ليلي بين آمر وناهي

مرسال ينهاني عن الشك والظن
ومرسال يامرني بفتنة هل الغي

مدري اطاوع منّ واعصى على من
اصبحت ما اخذت القرار النهائي

متحيرٍ ما بين ما ابدي وما اكن
كني مصدق شي ومكذبٍ شي

واللي نبي ما هو على ما يبن هن
واقول ما هي هي لو انها هي

مغير اعيد الذاكره واتفطن
في حاضري واللي فعلته بماضيّ

ليا عاد ما بي ما يقولن الالسن
ما ادري مثورة الفتن وش تبي بي

كلامهم خلى ضلوعي يلجن
لجة مخاليلٍ لواها العطش لي

وردن على بيرٍ به العام شربن
وجفت رواته ما بها ريحة المي

ما غيرهوّ من الموارد يخبرن
وتحارجن فوقه على حاجر الطي

ومن غربة الحاصل عظامي تثننّ
عجزن يشدني عن الارض رجلي

واللي ذهل عقلي وخلاني انجن
خطية الميت يعذب بها حي

الميت اللي مات مبطي ولا دفن
جنازته بلوى ومن ناشها بلي

وان قلت هذا كيف كان وتكوّن
سجل علي اكثر من اللي غدى لي

مالي سوى صبرٍ على سالفة هن
لونها تجرح وتذبح وتكوي
** **
- فرحان بن دبل العنزي رحمه الله

‏يا سراج معروفك ملكني من أقصاي
‏ترفع لك البيضـا على كل حتّـه
‏
‏هندي وهندوسي وديرتك بمباي
‏وزودٍ عليها كلها ( فيك خَتّـه )
‏
‏لكنّ ماغيرك عرف سر مخباي
‏اللي مواجيب النشاما تحتّـه
‏
‏صبرك علي وافهقني الراتب الجاي
‏وابشر بسبع آلاف ماهيب سته

انت مذهل في نقلك يابورغد. الله يبيض وجهك