اللي حصل اليوم في سهم دار الأركان طبيعي وليس طبيعي

الطبيعي لو فيه احد يملك بسهم دار الاركان بالقاع مثلا بسعر 5 ريال شاري كمية 606694 سهم بقيمة 3,033,470
انه يكون عليمي ويرش ماركت من سعر 11.88 الى سعر 11 ريال وينزل بهذه السهوله بكمية بسيطة 600 الف سهم
ممكن اي متداول عادي يمتلكها في سهم ضخم مثل دار الاركان عدد اسهمه مليار سهم مع انه بامكانه يبيع كميته هذي بين سعر 11.80 و 11.86 بسهوله لتوفر طلبات بشكل متكرر ويطلع كسبان اكثر من بيعه ماركت وتنزيل السهم لسعر 11 ريال
ونزول السهم من 11.88 الى 11 خلال دقيقتين بسبب عدم وجود طلبات قوية تدعم السهم ليحافظ على سعره
بين كل سعر وسعر كمية 20 الف او 30 الف هذي كميات هزيلة بالنسبة لسهم دار الاركان اللي كانت الدعوم فيه مليون سهم ومليونين كا طلبات

السهم مجفف له فتره الطلبات فيه ضعيفه ومصطنعه من المتحكم في السهم
هذا الطبيعي

نجي الحين للي مب طبيعي

اللي مب طبيعي ان اللي صار اليوم في السهم متعمد وهي هزة ماقبل الانطلاق بالنسبة لسهم دار الاركان اللي عودنا على حركاته هذه وسبق ان قلت ان المتحكم في سهم دار الاركان مجنون وممكن ان يسوي اي شي مايخطر على البال عادي ينزل السهم 20% ويرفعه بعدها 60%
وليش قلت ان اللي صار مب طبيعي لانه اليوم كان في شفرات في الطلبات
بين كل طلبين يوجد طلب بكمية سهم واحد
تكررت اكثر من مره
وبين كل طلبين يوجد طلب بسهمين فقط وتكررت اكثر من مره
باختصار اللي صار اليوم مقصود لغرض في نفس يعقوب

حاله ثالثه ممكن انها تصير وهي التسهيلات قد يكون نظام البنك سيل محفظة عميل بشكل اوتوماتيكي ورش السهم الى 11 من 11.88 وجاء المضارب واشترى العروض ليعود السهم لمساره الطبيعي لان البنك اذا وصلت الخسارة الى النسبة المتفق عليها يسيل المحفظة ويتستعيد فلوسه
وهذه الحاله انا استبعدها تماما

السهم اليوم نفذ سهم واحد بسعر 11.90 ثم نزل من 11.88 الى 11 بصفقات بيع متتالية تعادل 606694 الف سهم ثم نفذ 165 سهم على سعر 10.90 ثم تم شراء ماركت 300 الف سهم وقفز بالسهم الى 11.78 وعاد الى وضعه الطبيعي