تعديل متوسط تكلفة السهم تفرض حالة السهم عليك الطريقه احياناً

فمثلاً لو كان سهمك مشتريه بسعر 84 وهو الآن يتداول على 42 نقول هنا انت خسران 70 ٪ تقريباً على سبيل المثال

ليس معك كاش ابداً وليس عندك في المحفظه الا هالسهم فمالعمل ؟


نشوف السهم ونحلله هل سعر 42 في قمه او في منتصف الطريق بين القمه والقاع او في القاع

إذا كان في القمه نشوف وين قاعه لنفرض مثلاً انه 35 بعد إسبوعين تقوم وتبيع نصف الكميه عند 42 لان السهم في قمه ومعرض للهبوط إلى 35 وانت كمحلل عندك هدف بعد القاع وهو 38 ثم هدف بعد هالقمه وهو 29 وهو قاع السهم على فواصل كبيره وعلى دورة السهم ونماذجه وموجاته وكل شيء ينطبق من كل المدارس الفنيه

تقوم تشتري اذا وصل 35 بسيولة نصف الكميه اللي تم بيعها وننتظر وصوله الى قريب من 38 ونبيع نصف الكميه وننتظر القاع 29 ونشتري عنده بالسيوله اللي بعنا فيها. هذا الكلام بشكل مختصر وواضح وبسيط ويعتمد اعتماد كلي على دقة التحليل للدعوم والمقاومات.

طيب هل نجلس خلال هالفترات ننتظر فيها السهم يوصل للدعم لكي نشتري ؟ طبعاً لا لأنه بيطول يمكن ياخذ اسابيع الى شهر وشهرين

اذن ماذا نعمل ؟

نبحث عن فرص سريعه في السوق ونبحث عن اسهم قيعان اسعارها منخفظه جداً والسوق مليء بالفرص فندخل هالآسهم ونبيع عند المقاومات ونخرج بمكسب ونضيفه لرأس المال اللي هو سيولة نصف الكميه المباعه وهكذا نستمر في البحث عن الفرص بشكل يومي إلى أن يقترب سهمنا الاول من الدعم اللي حددناه مسبقاً وندخل في السهم وننتظر المقاومه ونبيع عندها وهكذا

هي عملية صيانه وإصلاح لفساد المحفظه مثل العمليات الجراحيه تحتاج تدخل وتحتاج دقه وتحتاج قبل كل شيء توكل على الله.

هذا الإسلوب اللي يستخدم اذا ما عندك كاش واذا كان عندك كاش او اسهم رابحه تختلف العمليه