ابكي على ما جرالي يا هلي
قلبي انا بالمحبه مبتلي
ولا حصل من يحل المشكلي
مع ناعم العود انا لي مسأله ..

يا ناس روحي تراها في خطر
كله من اللي على بالي خطر
والحب كله على العاشق خطر
كم واحدٍ ما حصل من ممشله ..

قولوا لمن صابني يعطف علي
وان كنت انا مخطي فلا يزعل علي
وان كان جاني حبيبي ما علي
خلوا حبيبي يجيني واسأله ..

خلوه ينظر لحالي ما يرى
ولا تقولوا ضنك ويش ترى
لا شاف حالي وشاف اللي جرى
يفعل علي ما بوده يفعله ..

الصبر عندي على شانه قضى
ولا تأسف على ماقد مضى
يابخت من صار يوريه الرضى
والزين والفن كله من هله ..