اقتباس المشاركة الأصلية كتبت بواسطة ابو رغد مشاهدة المشاركة


يازمان العجايب وش بقى ماظهـر
كلِّ ماقلت هانت جد علمٍ جديـد
إن حكينا ندمنا وإن سكتنا قهـر
بين قلبٍ عطيب وبين خلٍّ عنيـد

لو تفيد المدامع كان أسيِّـل نهـر
مير كثر التوجِّع والدَّمـع مايفيـد
طاولتني همومي مع طويل السَّهـر
ماتحمَّل ظلوعي لو ظلوعي حديـد

أصبر ايَّام وأشهر وآتصبَّـر دهـر
وإن حصل لي مناتي جيت لوني بعيد
أرجي الله وأراقب كل طالع شهر
يجلي الهم عنَّي أو عسـى مايزيـد
عطني صبرك يابو رغد وباذن اللي ماتنام عينه بتبيع دبل سعر اليوم