بعد اخذ نفس طويل والغطس في العميق اليكم التحليل والكواليس
السلام عليكم ..
كل عام وانتم بخير
رجعنا لكم بالتحليل بالكتابة والصورة
وكنت غايب لكي اكتشف لكم اشياء واسرار سوف اعرضها هنا
اولاً تحليل المؤشر
الموشر مسوي فيها انه مايدري اننا دارين انه بيوصل 9500 بس يستهبل
ومطلع لنا صورته انه بيسقط من الحبل ويكسر 8000 وان الغربان الثلاثه يهددونه
ويقول جني ارباح
انا احسبه يقول جاي جني اسمه رباحبسم لله الرحمن الرحيم
روعني روعه
على كل حال هوطاح من الحبل
وجاته اصابات خفيفة ونزل مرة 39 ومرة 70 واليوم 69
ولكن الان زرته وقدمت له هدية
وصارحني انه بيرتفع من الاسبوع القادم
لاحظ الخجل كيف على وجهه المؤشر
يازين خدوده الخضر وهومستحي
ثانياً كواليس السوق والاعضاء :
نحن الان في عصر الشفافية يعني راح اعلمكم وينهم المحللين والاعضاء
وياليت تذكروني باسماء البعض لاني اتلخبط كثير لانني اعيش حاله حب صعبة جداً مع حاله احباط ماليه فلذالك ماعاد اجمع
المضارب
ابو عناد مديرنا الفاضل مسافر ومخلي المنتدى
لاهو الي حطني مشرف ولاحطني محلل فني ولا عطانا خبر .
كلمنه يابوعناد مايصير لاتروح
قال شف ياحبيبي انا ابروح اشوف رزقي عندي مسابقة قفز الحواجز بعد شهرين في دبي واذا اجتزتها العب النهائي في انجلترا وابروح ادور لي خيل
انت تفهم والا ماتفهم يابو ابراهيم
قلت افهم افهم اهم شي اهدى اهدى
راح ابو عناد للاسطبل عشان يشتري حصان
ولبس اللبس المخصص له والمحبب له والخوذة المدبدبه
وصار يدور بين الاحصنه
ويوم اختار الحصان المحدد
الحصان جاته حاله هستيريه مادري ليه
وبعد ان هدى الحصان
قلت للحصان وشفيك ارتعت وروعتنا
قال مهوب هذا ابو عناد
قلت نعم هو
قال ياخي يوم حلق الشنب احسبه ريتشارد قلب الاسد وخفت انه يورطنا بحروب قتالية
قلت لا ابو عناد عندة مسابقة قفز الحواجز مهوب فاضي للقتال
قال الحصان زين طمنتني وانت يابو ابراهيم وش اخبارك عسى ابو عناد حطك محلل فني
قلت شكلي عطيتك وجه ماعاد الا الخيول تناقشني عن السوق
همسه : يحق لك حذفي يابو عناد بس خلك اكبر
كواليس السوق والاعضاء الثاني :
ابو عبدالله السليمي اعجوبة التحليل الفني بكل انواعه
هو طيب جداً وحبيب ويعشق التحليل وابداع فيه وصراحه هو احسن مني بكثير وشوي
طبعاً الان هو مسافر في الصيف وهو محاضر باللغه الانجليزية وبما انه يتقن الانجليزي ماشاء الله عليه سافر الى اورباء راعين الانجليز .
انا كنت ساكن في فندق في لندن اسمه بالانقليزي صعب لكن فيه حرف D M R الظاهر انه المرديان
بس الحروف سابقه بعضها
طبعا غرفتي تتطل على كل الشوارع
وانا اتفرج من غرفتي لاحظت رجل عربي يخرج من فندق اسمه باجولني
قلت يمكن انه ضايع او مايعرف انجليزي خلني انزل منها اساعده ومنها اسولف معه انا لغتي الانجليزية قريبه جدا من الصفر
وكان لابس رسمي عشان المطر وفاتحه جواله
وصلت له وقلت هاي مان
لا تستغربونانا ترى شعري اشقر
رد علي بنجليزي سريع مادري وش هويقول
قال الظاهر قوديفنك مان وكلام سريع مررره واخر شي سمعت كلمه فاينل
قلت وي ار يو هالحزة بليز
قال انت عربي
قلت يس اتيز
قال تكلم عربي يابن الحلال وريح حلقك
بالصدفه شفت جواله وهو فاتح على منتدنا واسم العضو Assalimi
قلت انت ابوعبدالله السليمي قال ايه وانت مين قلت انا ابوابراهيم المحلل الي معكم في المنتدى
قال هلا وسهلا بابو ابراهيم مليون مرحبا آجل تقول لي المحلل
( للآسف قالها وهو غير مقتنع منها فرستي تقول لي ذلك )
قلت يابو عبد الله انا عازمك على العشاء تكفى لاتردني وبسالك عن اشياء كثيرة
قال تم بس لا تحرجني انا الي بحاسب عن العشاء
قلت تم الدنيا فرص
لندن غالية صحن الحنبص بـ 16 ريال وعليه قس الباقي
يالله مشينا تفضل ياابو عبدالله
حيا الله ابو عبدالله نورت لندن
النور نورك يابو ابراهيم
يابو عبدالله انا حللت المؤشر انه رايح الى 9500 قريباً جداً وبيكون بشكل مفاجى
وش رايك .
قال ممكن جداً لكن بيكون الارتفاع تدريجي
طيب يابو عبدالله سهمنا كيمانول واسمنت الجوف
قال كيمانول دخل الخامسه
واسمنت الجوف على وشك الدخول
لكن مضارب الجوف يريد يجمع اكثر
طيب يابو عبدالله ليش ماتضارب يومياً صراحه انت غلطان شرط تكسب ذهب
انت تحسب المضاربة بسيطه تحتاج مقابل الشاشة من البداية الى نهاية التدوال وانا عندي عمل
طيب انت تشوف الصورة الي معلقه على الجدار في المطعم في كل مكان معلقينها
هذي ساعه بيج بن يابو ابراهيم توقيت العالم كله عليها
لا يابو عبدالله توقيت العالم على مكه لانها محور الارض لايهمونك تراي افهم الكفت
وصل العشاء يابو عبدالله تكفى لاتقول انك نسيت بطاقتك الصراف
يابو عبدالله انت وش طالب لنا لايصير فيها شي منا والا منا
ترى لغتي الانجليزيه عندي في الليل ضعيفه
كل يابن الحلال واترك من حركات اهل الرياض .
طيب
يؤ يؤ يؤ ابوعبدالله ابو عبدالله لاتلفت يمين ابعلمك في اذنك في بنتين يتكلمون وياشرون علينا التفت بشوي شوي كنك ماتدري
ايوه الحين ال تفت شف الي لابسه اخضر والي جنبها ام اصفر
انا حاس انها تقول اي ليفيو او مايقاودبشويش شوي والا يابو عبدالله
يابني ادم انت اول مره تجي لندن انت مااتابع اخبار ولا شي
هذي البنتين الي انت تقول ممثلات امريكيات يملكون المليارات ويخوت وتبغهم يعجبون فيك انت وشعرك الي محنيه وبعدين يابو ابراهيم حنا ناس محترمين
يابو عبدالله مو قصدي بس انا لاحظت
لا تقول ولا تعيد مع السلامه
طبعا خلني في حاله من الذهول
همسه : ابو عبد الله السليمي طلع من المطعم ولا حاسب عن العشاء
رد مع اقتباس
المشاركة الأصلية كتبت بواسطة ابو رغد
مواقع النشر (المفضلة)