اللي اعرفه ان المقاومه بالاساس منطقه مشتريين سابقين او بالاحرى متعلقين
مايحصل عند هذي المنطقه هو محاوله لامتصاص البيوع الموجوده فيتكون اساسا حجم عالي نسبيا مقارنه بما قبله
غالبا يتم العوده لاختبار هذه المنطقه والهدف من الاختبار هو التاكد من عدم وجود مضاربين لازالوا متعلقين قريب من المنطقه هذي ويتفاجؤون فيها قبل شراء كميات اكبر
لذلك تجد امام المضارب اللي يبغى يحرك سهمه فوق يحاول مايتجاوز اي مقاومه مهمه وتاريخيه الا متاكد ان اغلب المتعلقين باعوا تحت او على المقاومه نفسها
فوق المقاومه عاده يرتفع المتوسط عليه اذا فيه بيوع قويه والحل امامه يرش السهم تحت بقوه ويحاول يثبته بعيد ليملوا المتعلقين ويبيعوا

فيه حاله ثانيه يتجاوز المقاومه بقاب ويحط طلبات كبيره تقفله نسبه عشان اللي يبي يبيع يتراجع ويمكن يطلب زياده وعاده تكون واضحه في اسهم المضاربه الخفيفه

وعموما فيه مقوله مشهوره ان اتجاه الترند يمشي مع الطريق الاقل مقاومات او الاقل دعوم
يعني تكدس الطلبات او العروض هو اللي يحدد الترند وهذا الكلام يمشي لحظيا ويوميا لكن اليومي اوضح

لذلك مقدار الاختراق لايحدده الا كميات العرض

انا طولتها وهي قصيره
الزبده اختراق بكميات مرتفعه نسبيا وليست عاليه جدا ثم اعاده اختبار بكميات قليله نسبيا ايضا

هذا تحليل شخصي حسب معرفتي واتوقع الاخوان عندهم ماهو افضل