مويضي بنت ابن شويط البرازي وأختها بنه في قصيده ورد



قالت بنه وهي الباديه بالقصيد مادحة(ن) زوجها ومستهزأة(ن) بزوج أختها


حيث قالت :
شوقي غلب شوقك على هبت الريح = محصل(ن)فخر الكرم والشجاعه
وركاب شوقي كل يوم(ن)مشاويح = واليا لفى صكوا عليه الجماعه
يالبيض شومن للرجال المفاليح = لاتقربن أهل الردى والدناعه



فرت مويضي على أختها بنه قائله :

ماهم بغاويني رجال الشجاعه = ودي بهم مار المناعير صلفين
أبغاه مندس(ن) بوسط الجماعه = يرعى غنمهم والبهم والبعارين
واليا نزرته راح قلبه رعاعه = يقول ياهاف الحشى ويش تبغين
وأن قلت له هات الحطب قال طاعه = وعجل(ن) يجيب القدر هو والمواعين
ولو أضربه مشتدة(ن) في كراعه = ماهو بشاكيني ولا الناس دارين