اقتباس المشاركة الأصلية كتبت بواسطة Assalimi مشاهدة المشاركة




صحيح الابيات لعبد الكريم البدراني الحربي ماهي لعبدالله بن زويبن الحربي

كلاهما من دهاة الشعر وهم شعراء حرب

وانا من كثر اهتمامي بحكم هذين الشاعرين الخبط بين ابياتهما

ابن زويبن يقول

صدرك على خافي سرايرك زره ==== لا تصير سطح كل ما جاه المطر خر
ولسانك اصحاب الفتن لا تجره ===== في كلـمة عوجى يجـي ردهـــا مــر

ويقول ايضا

سمعت لي كلمة مدري وش اقصاها ==== حزت بنفسي ونا ماني بهارجها
ولـو كــل كلمه اليــاجتنا طــردناهــا ==== بعنا الثمينه بسـعر ما يخارجها
لو مـرت السمع مـا كــنا سمــعناهـا ==== وانقفل الراس عنها لا يبرمجها

ويقول ايضا

في غلـطة الغـالي تجوز المعاذير ==== نشــيلهــا وانحـطـهـا فـي كـفنـها
تروح باطراف الهواء والاعاصير ==== جرة مـطـر جاها العجاج ودفنها

ويقول ايضا

صدك تقل ما اوحيت لو انك اوحيت ==== عن الرديه طيب ما هو رخامه
والله ما تـندم عليهــا ليامـنك اقـفيت ==== اقفاية ذيب عن وليشة اهلامه
والثوب الابيض تقشبه نقطة الزيت ==== لو هي صغيره فيه تبقى علامه

ويقول ايضا

من صــد عني يابدر عنه مـا سلـت ==== ما لي ورى الناس المصدين شقوى
ولو قال بي شذاب الاعراض ما قلت ==== قـصرت عنه الشين شيمه وتقـوى
مـا دام لـي حيلـه صـبرت وتـحملـت ==== وإن قـلت الحيلات حـيل الله اقـوى

كلاهما عبدالله بن زويبن الحربي و عبد الكريم البدراني الحربي
فطاحلة شعر الحكمه
فلا تلومني اذا خلطت بين شعرهما
لاني اعشق شعرهما واستفيد منه
ابيات تستاهل البيرق
ذوقك عالي في الشعر يابو عبدالله
والحمد لله ان التحليل يستهيوك اكثر من الشعر
وانا ترى بعد شاعر بس ما اكتب الا اذا بغيت شي

يابن حرب وجهي منك ياكلني
-------------والوجه ماهو صفاةٍ باردٍ ماها
انا استحي منك وانته تستحي مني
-------------والكل منا دروب الطيب يبغاها
تراني بعد الله ازبنك يوم الناس تزبني
-------------والناس للناس من يوم الله احياها

همسه
لاتلموني عندي متابعين يقولون هات شارات هات العلوم هات فطاير
انت يابو عبدالله محلل وشاعر
وانا محلل وطباخ