من روائع شعر الغزل (لامير الغزل) الشاعر المرحوم عبدالله بن سبيل


((((قالواوقلت )))

بالله ياللي تسجد الناس لرضاه
يأومر خلقة على حج بيته
تفرج لمن سده على الناس مبداه
رضى على مقسومك اللى عطيته
من شي يسل الحال والجسم يبراه
والناس مايشفون ان ماشفيته
قلت:آه وجرحاه من خلتي آه
وان حملوني حمل غي قويته
قالوا سفى بالحال ويش اللي اغواه
قلت:آه ويش المنكر اللي وطيته
قالوا:جهلت ويان علمك لمنهاه
قلت:آه علمي ياملأ ما كميته
قالوا:طلبنا لك من الله معافاه
قلت:آه وحده عفـوه رجيـته
قالوا:هله واحباب عينه نصحناه
قلت:آه هذا وارد ما بغـيته
قالوا:ندور لك من البيض حلاياه
قلت:آه لوغيره بكفي رميته
قالوا:نشاش العود مالك بلاماه
قلت:آه عود موز بيدي لويته
قالوا:تزوج كود تدله وتنساه
قلت:آه لوخذت اربع مانسيته
قالوا:من اقصى الناس وين ابت وياه
قلت:آه منسى يوم جاني وجيته
قالوا:نشوفه عندهذا و وذلآه
قلت:آه ماعمره عقب حجر بيته
قالوا :عليل شايل دآه بردآه
قلت :آه شقاوي وبروحي فديته
قالوا:نشير ولا ينفع ما حكيناه
قلت:آه هرج النمايم عصيتـه
قالوا:كثر شيبك وقلبك بعمياه
قلت:آه لو قلبي غرير نهيـنه
ومطاوع قلبي بعجفاه وقداه
والى نـهج منهاج درباًعطـيته
ياناس خلوا كل وادي وممجراه
قلتوا كثير وقولكم ما لقيته