أن الأوان لمتابعتك ياكيان ( سعره 12.12 الان)

[ابو ابراهيم]

السلام عليكم
وصبحكم الله بالخير

يقول الشاعر
ارتفع السهم وانهبلتو واعلنتو النتائج
---------- وحتى لو نزل شوي بيرتفع آخر التداول
انا منيب شاعر واحكي قصه وقصايد
------------- انا محلل نفسي ولقبي داهيه الدواهي

طبعاً البيت مكسور بس المعنى مجبور

تفكير خارج الصندوق
لو هم يبغون يضغطون السهم وشو له يرفعونه في الاساس هذا اولاً
ثانياً لهم اربعه ايام والتدوال عالي على السهم ويقشون اي عروض كبيرة
ثالثاً لنفرض جدلاً نزل الى 8.86 بيكون كون قاعين صاعده وهذي يبغالها محلل فني انا الان شغال نفسي لذلك مابغى اتداخل بالعلوم مع بعض
رابعاً القطاع يتهيى فنياً لاختراق قمه سابقه وستكون عن طريق قطاع الطاقه والبتروكميات
خامساَ مالقيت شي

ذكاء ودهاء
لي يومين افكر في طريقتهم ليش رفعو السهم وهم عارفين ان الاعلان بيكون فيه خسارة
الذكاء يقول لي تراهم بيلعبون عليك يابو ابراهيم وبيرفعون السهم يوم الاحد
الدهاء يقول لي لايهمك الذكاء يابو ابراهيم هم بينزلون السهم ساعه الاولى ثماً يشلعون به فوق
اتصلت على الاستنباط وقلت له السالفه قال يابو ابراهيم تراك اشغلتنا وفي آخر هالليول ياخوي ارقد والصباح رباح

تفكير داخل الصندوق
الامور زينه وحنا متوكلين على الغني الرزاق وابشرو بالخير
حتى لو حصل تاخير بأذن لله تفرحون

آخر كلام
انا مع راي الدهاء ومتفائل خير
والضغط الي صار للسهم وصلني الى راسي بسهم وكان لونه احمر
والمرجفين ازعجونا في كل مكان ووصلني سهمهم في الراس باللون الاصفر
لكن اعلان النتائج وصلني سهمهم وكان دقيق جداً في توصيبه لكي لا اتكلم لكن بدري عليهم