يا ونتي , بأقصى الضماير سَندها=لا رقَبت مشذوب المراقيب تزداد
ونة عجوز ٍ مات عنهـا ولدهـا=رملى ضعيفة مالها غيـره أولاد
على الذي مثنـاة قلبـي عقدهـا=حبه بمكنون الحشا يسند اسنـاد
وعروق قلبـي يبّستهـن بيدهـا=صارن كما شنّ ٍ على الدار بيّاد
إن أبعدت عيني يجيهـا رمدهـا=ودموعها تسقي قناطيـش الأذواد
وإن قربت كبدي يجيهـا لددهـا=مَر ٍ هنوع ومر ما تقبـل الـزاد
اللي كما الفنجال غـزّة نهدهـا=خلاّقها رب ٍِ له النـاس سجـاد
ريميـةٍ مـا ترتـع إلا وَحَدهـا=تقطف زماليق الخزامى بالأجراد