ياساتر !!

كلامك ياأخي سيف العزيز واضح إنه نتيجة للإحباط اللي تحس فيه وأنا معك لكن الظلم مايجوز ههههههههههههه الشركة تطورت وإنتقلت إنتقالة كبيرة في الخمس سنين الأخيرة يكفي الأرباح التي توزع مرتين بالسنه .

كلنا ودنا إن سعر السهم للشركة يطلع بالعلالي لكن خلنا نكون واقعين الشركة مصدرها الرئيس للأرباح يأتي حالياً من كردستان واللي حدث هو خارج عن سيطرتها وأيضاً بالنسبة لقضايا التحكيم الشركة من الشركات ذات النفس الطويل في القضايا وبالنهاية تأخذ حقها وأكثر .

وش تبيهم يسوون أكثر ... الإنتقاد سهل أي منا ينتقد لكن نجي لأرض الواقع وش ممكن يتم أكثر مما تم ؟

قد تكون إفصاحاتهم صحيح بلا طعم ولا معنى لكن بالنهاية حملة الأسهم مستفدين وهو ما يهمنا ، من الناس اللي عاشروا الشركة أيام ماكان عندها إلا قضايا وإنتاج شبه متوقف وفوق ذلك كله مافيه ولا ربح بسيط يوزع وهذه الأيام التي نعيشها وهي نقلة نوعية في إدارة الشركة ... خل الشركة توقف توزيع الأرباح وش وش بيصير بالمساهمين هههههههههههههه !

السؤال هل أي منا عنده فرص إستثمارية أفضل ؟ بالنسبة لي إلى الأن لا يوجد صحيح إني دخلت بسهم السيارات لوسيد في السوق الأمريكي لكن هالسهم يمثل وضع دانه قبل عشر سنوات

الحمدلله على كل حال وكما ذكر أخونا ابامحمد الصبر مفتاح لكل خير