مره طبيت الحراج لشراء ذبيحه وكان المكان مزدحم اتفقت من راعي الحلال انه يجيني عند المسجد الذي قرب المسلخ واعطيته الفلوس وذهبت انتظره حيث اني شريت منه بعد العصر مباشره .

جلست بسيارتي انتظره وتأخر علي المهم مالي الا الانتظار وياشين الانتظار يطري عليك كل شيء مره اقول هذا ضحك علي ومره اقول تعوض الله وخذ لك ذبيحه ثانيه ولا تجلس تنتظر المهم قلت في خاطري بيني وبينه صلاة المغرب اما يجي او بآخذ ثانيه .

اذن المغرب ودخلت المسجد يوم اقام والصلاه الله اعلم فيها .

بعد الصلاه حصلت الرجال واقف عند سيارتي واخذت الذبيحه والحمد لله هذا ماحصل.

المضحك اني واقف عند المسجد وداق فلشر حول ساعتين هههههه