♥♥ خالد ونجدية 🍃🍃
هذه ردية بين أمير الشعر خالد الفيصل ..
والشاعرة نجدية ..
من أجمل ماقرأت ..
قصيدة الأمير خالد الفيصل ...
لايطـــول غيـــابـك ثم آخــذ عليـــــــه ***
لو تخليت عنــــي عنـــك قلبي تـــخــلا
العذر والتعلل والحكي مانبيــه ***
من تحــــــــرك فؤاده بالـــهوى ماتــغلا
طبعي الصبر لكن واش عليه أرتجيه ***
من طويل الصبر يعقوب وايوب ملا
دامني حي عطني واش بقى تحتريه؟ ***
مابي دموعك اللي عقب موتي تهـــــلا
مابقى بالعمــر مقدار مــاراح فيه ***
كل مــــازل يــومٍ يــــــــــوم بالعمـــر زلا
مايعرف الجمر مثل اللذي يكتويـــــــه ***
أحدٍ يدفى بناره واحدٍ فيه يتصلــــــــى
يامن القلب حطيته براحـــة يديــــــه ***
مارضاله مكانٍ غير كفك محـــــــــــــلا
كم تعذر وعيـــا عن هوى مهتويه ***
لين طاح بيمينك بالغرام وتجــــــــلا
قصيـــــــــدة نجــديــة
لو تخليـت واش لي بالحياة أرتجيه؟ ***
لو تخليت ماعنك خفوقـــــي تخـــــــــلا
والله إنك ملكتــه ثم تربعت فيـــــــــه ***
ومالغيرك حبيبي وسط قلبــــي محـــــلا
ياهناه وعذابــه كيف تقسى عليه؟ ***
كيف طاوعك شعرك بالمشــــاعر تسـلا
لاتجنى تراك اللي حبيـــبه يبيــــــــه ***
لاتـــزيـــده تـراه من الغرابيـــــــــــل ذلا
إنت فرحــه وجرحه وانت مايمنتيه ***
وانت مظنون عينه لو عليكم تغــــلا
.....
رد: ♥♥ خالد ونجدية 🍃🍃
مواقع النشر (المفضلة)