مرحباً بكم في منتدى المضارب للأسهم السعودية والإستثمار / يتابع بالمنتدى سهم دار الأركان من رئيس قسم التحليل الفني الأستاذ Assalimi / وسهم دانة غاز من المفكر والمتابع الراقي واحد يفكر مع مجموعة مميزة ويمتلك المنتدى نخبة عالية من المحللين بجميع مدارس علم التحليل ونرحب بجميع الأقلام المميزة فمرحباً بكم مجدداً بمنتدى المضارب

 

  • مواضيع ننصح بمشاهدتها
  • <-> اعضائنا الكرام ( الأعضاء ) <->
    النتائج 1 إلى 3 من 3

    الموضوع: قصه وقعت فعلا

    1. #1
      أبو محمود
      عضو قدير ومحب للمنتدى
      التقييم: 1070

      الحالة
      متصل
      رقم العضوية
      8
      تاريخ التسجيل
      Oct 2016
      المشاركات
      4,102

        لشكر حمزه

      افتراضي قصه وقعت فعلا

      قصة واقعية
      يقال انها حدثت في شمال الرياض .
      قبل ٥ اشهر تقريبا كان الجو بارداً في الرياض كنت قايم ابروح للدوام .
      واذا بزميلي مرسل لي رساله .
      يابوفلان وانت جاي *جب معك فطور*.
      قلت خل امر الفوال اللي قريب من الدوام واجيب لهم فطور.
      المهم وصلت الفوال واذا فيه زحمه وطابور لكن يمشي بسرعه .
      صفيت معهم وقعدت انتظر دوري علشان اطلب من الكاشير .
      وانا واقف في السرا واتصفح الجوال .
      دخل عامل صغير لابس كاب . يتراوح عمره من ٢٠ ~ ٢٢ سنه . واتجه مباشره للكاشير السوري .
      و انا مستغربين ليش ما يصف معنا سرا .
      المهم ارتفع صوت الكاشير وهو يقول ما اقدر ما اقدر ما يجي .
      عندها تكلمت انا وقلت انت ماتفهم **** ارجع ارجع ورا .
      والبنقالي يط****ي واعتقد ما فهم كلامي .
      رفعت صوتي ))) وقلت يالله انقلع ورا امسك سرا . وأشر له بيدي ورا ورا .
      والبنقالي يناظرني وساكت ثم انصرف .
      وكملنا السرا ...
      ويوم وصل دوري وطلبت. قعدت اسولف مع الكاشير السوري .
      قلت: ياخي فعلا ناس ما تستحي يشوف العالم صافه ويبي يآخذ قبلنا .
      قال الكاشير :
      لا انت فاهم خطأ
      قلت : وشلووون
      قال الكاشير : هو جاي يسألني يقول ممكن آخذ فول بريال.
      قلت ماعندنا تسعيرة فول بريال
      اقل تسعيره ب ٣ ريال
      قال البنقالي : طيب ما فيه مشكله "انا اعطي ٣ ريال حق ٣ يوم وحط لي بريال .انا فلوس شويا ".
      قلت لا مايصير المحل مسعر ؛ وبعدها انت تكلمت ورجعته ورا .
      الراوي : التفت بعدها بسرعه ادوره . واطلع برا وادوره في البقاله وانا اردد *لا حول ولا قوة الا بالله* .
      واسأل اللي في الشارع عنه .
      قالوا ما نعرفه .
      *المهم*
      ضاق صدري عليه انه ما يملك قيمة الفطور وكيف انا نهرته وزجرته وسط الحضور .ولم يرد علي بكلمه الا انه سكت وانصرف .
      رحت للمكتب وافطرنا ووالله مع كل لقمه اشوف البنقالي قدامي وان اللقمه اتغصص فيها .
      ثم قمت .!
      استغربوا اخوياي وشبلاك افطر
      قلت لا شبعت الحمد لله .
      رجعت للمحل وقلت وين البنقالي ؟
      قالوا ما ندري ما رجع .
      وبعد بحث مكثف لقيت راعي المغسله يقول بابا انت تبي موسى .
      قلت من موسى ؟
      قال البنقالي اللي في الفوال اليوم الصباح .اللي انت سوي مشكل معه .
      قلت ايه وينه ؟
      قال هو ما يجي كل يوم هنا
      ممكن عشره يوم او ١٥ يوم يجي مره ثانيه .لانه يشتغل في صيانه الحديقه اللي عند الجامع .
      قلت خلاص ابجي بعدين اشوفه .
      وما ارتاحت نفسي .
      صرت امر يوميا وانا جاي للدوام ابحث عنه ؛ وبعد عشر ايام
      واروح انتظر بدري عند الحديقه
      ويوم جت الساعه ٧ الا والسياره توقف وينزل منها ٤ عمال
      وموسى معهم .
      واركض له موسى موسى .
      والتفت يناظرني ومستغرب
      واسلم عليه، واقول وين انت ياموسى انا يدور عليك عشر ايام .
      ناظرني وهو مندهش، شكله ما عرفني .
      قلت انا اللي مشكله معك في فوال قبل عشر ايام .
      ابتسم وطبطب على كتفي .
      *وانا اللي ادخل يدي في جيبي واطلع خمسين ريال*
      قلت خذ هذي ياموسى بس ما فيه زعلان . حاول يرجعها مع استحياء .
      ورفضت وقلت تعال معي للفوال .
      وقلت للكاشير هذا فطوره علي متى ما جاك تعطيه اللي يبي .
      والحساب عندي .
      فرح موسى وشكرني . واحسست اني رديت له اعتباره وكرامته .
      وبعد تقريبا شهر مريت البوفيه علشان اعطيهم حسابهم .
      قال الكاشير
      خل الحساب علينا
      *قلت* لا يارجال والله ما يحاسب الا انا كم بس ؟
      قال حسابه ١٥ ريال هو وخويه
      جو تقريبا ٣ مرات يطلبون صحن فول واحد ب ٣ ريال واثنين شاي .
      وبعدها ماعاد جاء موسى .
      *استغربت*
      *وانتظرت موعد حضورهم للحديقه؛ ويوم جت السياره وينزل منها ٤ عمال .تقريبا نفس اللي شفتهم عدا موسى مهوب معهم*
      واسألهم وين موسى ؟
      التفتوا لبعض وسكتوا
      *قلت* فيه مشكله ؟ وين موسى ؟
      قال واحد منهم موسى موت .
      قبل اسبوع صار حادث دهس ودخل المستشفى ٤ ايام ثم توفي .
      *عندها نزل الخبر على مثل الصاعقه .*
      وارجع في طريقي والقى راعي المغسله .
      قلت دريت ان موسى مات .
      قال ايه . وانا اعرف موسى هو من نفس منطقتي وقريتي .
      ونسولف عن موسى
      قال :
      *موسى توفي ابوه وعمره ١٢ سنه.وتوفيت امه وهو عمره ١٦سنه وتركوا له ثلاث اخوان . عايشين عند عمتهم .*
      وموسى لمدة ١٨ شهر و هو *يحول راتبه كامل ٤٠٠ ريال* ما ينقص ريال لعمته واخوانه .
      *قلت* : وهو من وين ياكل ؟
      قال : يشتغل غسيل سياره تنظيف بيت اي شيء
      ويكفيه اكله وشربه .
      عندها استحقرت نفسي وعرفت ليش كان يحاول في الكاشير انه يفطر ب ريال؛ علشان يوفر لاخوانه وعمته..
      *بعدها جمعت لي مبلغ ووصلناه لعمته واخوانه . لعلي اكفر عن خطأي تجاه اخي موسى.*
      والان انا في رمضان ومع كل سجده اشوف صورة موسى امامي .
      *و والله اني تندمت اشد الندم* اني صرخت في وجهه ولم يرد علي احتراماً او خوفاً مني .
      وعاهدت نفسي اني امسك نفسي ولساني عن الناس ولا اجرح او احتقر احد .
      فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُمْ بِاللَّهِ الْغَرُورُ
      التعديل الأخير تم بواسطة حمزه ; 27-06-2021 الساعة 07:41 AM

    2. #2
      الصورة الرمزية غفران
      وسام شكر وتقدير اداري
      التقييم: 51754

      الحالة
      متصل
      رقم العضوية
      5669
      تاريخ التسجيل
      Jul 2020
      المشاركات
      16,053

        لشكر غفران

      افتراضي رد: قصه وقعت فعلا

      لا حول ولا قوه الا بالله

      يارب اجعلنا دايما نحسن الظن في الناس وجعلنا رحماء بالناس يارب 🤍🤍🤍🤍

    3. #3
      أبو محمود
      عضو قدير ومحب للمنتدى
      التقييم: 1070

      الحالة
      متصل
      رقم العضوية
      8
      تاريخ التسجيل
      Oct 2016
      المشاركات
      4,102

        لشكر حمزه

      افتراضي رد: قصه وقعت فعلا

      اهلا غفران اللهم امين

    معلومات الموضوع

    الأعضاء الذين يشاهدون هذا الموضوع

    الذين يشاهدون الموضوع الآن: 1 (0 من الأعضاء و 1 زائر)

    المواضيع المتشابهه

    1. (((هل فعلا التاريخ يعيد نفسه للمؤشر العام)))
      بواسطة الهش في المنتدى منتديات المضارب للأسهم السعودية العامة
      مشاركات: 9
      آخر مشاركة: 04-11-2020, 05:22 AM
    2. فايروس كورونا..فهل فعلا يتم التوصل للقاح؟
      بواسطة عاشق ريم في المنتدى مـنتــدى الـساحـات والمنــبر الـحـــر
      مشاركات: 54
      آخر مشاركة: 28-03-2020, 06:36 PM
    3. هل تم سحر الرسول عليه السلام فعلا ام انها خرافه ؟؟؟؟؟؟؟؟
      بواسطة عاشق ريم في المنتدى منتديات المضارب للأسهم السعودية العامة
      مشاركات: 70
      آخر مشاركة: 22-01-2020, 06:57 PM
    4. هل فعلا سوق الاسهم السعودي يخضع الى ..؟؟
      بواسطة ساحر البسمه في المنتدى منتديات المضارب للأسهم السعودية العامة
      مشاركات: 3
      آخر مشاركة: 23-12-2017, 11:09 PM
    5. وقعت الشركة السعودية لصناعة الورق ..
      بواسطة الراصد الآلي في المنتدى منتديات المضارب للأسهم السعودية العامة
      مشاركات: 3
      آخر مشاركة: 07-12-2017, 12:40 AM

    مواقع النشر (المفضلة)

    مواقع النشر (المفضلة)

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  
    RSS RSS 2.0 XML MAP HTML