رد: من قصائد / محمد بن أحمد السديري
يافيصل اودعك توديع من غاب
اشوف ديّاني وقف لي على الباب
يبغى الوفا مني ويبغى حسابه
ماينسى دين تقفاه طلاب
والدين مايوفيه كثر الطلابه
يافيصل اودعك توديع من غاب
لاترتجيه انه يجي من غيابه
غيبة دهر ماهوب شهر عد وحساب
في مظلم ينهد فوقي ترابه
اوصيك يافيصل تخير بالأنساب
كل تعوض فيه كون النسابه
رد: من قصائد / محمد بن أحمد السديري
طيرك غدا بالصيف شاف التناكير
طيرك غدا بالصيف شاف التناكير
حدنه العقبان لين اقلعنه
والطير وقت القيض شربلاخير
تتعب وكل ايديك مايشبعنه
عندي عوض طيرك ليال المخاظير
فـرخ قرانيس الهوا علمنه
تحير في وصفه جميع الصقاقير
نضمن عيونه سود بحجورهنه
اشقر عديم ينثر الريش تنثير
وايديه شكاة الغلب ينثرنه
وان صرة قدام السلف والمظاهير
بامخافق الاجوال يعجبك فنه
طيريعوضك ياصبي المخاسير
وخل الصياح اونة الصدر كنه
قبلك بكينا الطير ويا الغنادير
قد عذبن القلب ثم اوجعنه
رد: من قصائد / محمد بن أحمد السديري
مررت للسلام والتحية .
يسعد اوقاتكم ..