ياناس هاذي كرونا

يا ناس بالله إهجدوا وارحمونا. #
مطلوب من غير التوكّل تدابير *
بالله خافوا وإبعدوا عن كرونا #
يا ناس ما شفتوا الضحايا طوابير؟ *
كم ناس من اهل الغلا وادعونا #
وكم ناس عيشتهم حبوب وعقاقير *
وكم ناس جاهم ذا البلا وافزعونا
ما غير نسال كيفهم صبح وعصير؟ *
يا ناس وين عقولكم علمونا؟ #
به ناس تدعس بالحفى عالمسامير ! *
كشتات واول عذركم هم دعونا. ! #
خرجات والكمام تحت المناخير.!! *
واطفال ما كنهم لكم سامحونا #
وشلون يردون الخطر.. دمّهم غير؟ *
وان كان مرّه سخنوا تزعجونا #
دكتور عالجهم.. وعطنا التقارير *
يا ناس ويش باقي وهم حذرونا #
لوحات وانواع الحكي والتصاوير *
باشكال والوان الطرق فهمونا *
يا ناس خافوا ربنا ذا الزمن غير. #
حكّامنا باقصى جَهدهم حمونا. *
والله يجزيهم على افضالهم خير *
والاف من كل الكوادر عطونا #
تمريض من ضجت عليه الدبابير *
والاف داير حولنا يخدمونا #
والاف تسهر والبلد يسكن بخير *
والاف يا عالم يصيحوا كرونا #
والاف يحمو ماتزيد الفواتير. *
والاف في كل المواقع كفونا #
والكل مامنهم حصل اي تقصير *
ماعاد غير انتم عسى تسمعونا #
يا ناس خافوا الله تهكب الاعاصير *
مطلوب فزعتكم وعد واوعدونا #
من قبل ما يطغى نصاب المخاسير *
وحنا بمركب واجب تساعدونا #
والدرب واحد والتعب والمشاوير *
ندعم نصايحنا لكم وادعمونا #
وادعوا معانا من يزيل المعاسير *
والوعد يا الوافين لا تخذلونا #
وايام.. باذن الله. تاتي التباشير ***
سعدالمشاوي

اسال الله العظيم أن يزيل هذه الغمة عن العالم اجمع
والمسلمين على وجه الخصوص

امين جزاك الله خيرا

بارك الله فيك

اهلا بيك اشكرك نور