قولو لرهبان الغنم لا ينامون

القصيدة اللي منها البيت المشهور

*قولوا لرعيان الغنم لا ينامون*
*أشوف بالمرعى مواطي ذيابة*

*القصيدة :*
*للشاعر : أحمد بن عبدالرحمن العريفي الخالدي*(نديم المجرة)
و إليكم القصيدة كاملة

قولوا لرعيان الغنم لاينامون
أشوف بالمرعى مواطي ذيابه

قولوا لهم اخذوا الحذر لاتغفلون
كـم غـافـلٍ أصبـح حلاله نهـابه

و ترى الذيابه بالغداري يغيرون
والجوع ينْسيها الخطر والمهابه

والذيب مايومن على ما يقولون
يغـرس بارقاب الفرايس أنيابه

تلقون ضرب إنيابها كنّها طعون
وجر المخالب مثل جـر الحرابه

أشـوف أشياءٍ لـهـا ما تـشفـون
وتغيب عن بعض العقول النجابة

اقول قولي والخلايق يعرفون
خير الملا من قبلنا قد حكى به

لابد ما يومٍ إلى الله تعودون
و كلٍ يبي يُسأل عن اللي رعى به

اللي رعوا بالشر للشر يجـنـون
واللي رعى بالخير يجني ثوابه

يعطيك, العافية.. كلّ الشكرُ ,والتقديرلك

يعطيك العافية

صح لسان الشاعر والناقل

صح لسانك

بارك الله فيك

صح لسانك ولسانه

مبدع يابو رغد

يعطيك العافية