الزمان يدور

الزمان يدور والوقت يطحنا رحاه
كل يوم يموت رجال ونصلي عليه
كم رفيقٍ ودنا به على قيد الحياه
وكم رديٍ يبطي الموت عيا مايجيه
وكم صبي ٍ شاب راسه ولا حقق مناه
وكم صبي ٍمات واللي حفر قبره إبيه
كم فقيرٍ مات حلمه من سيوف الغناه
وكم غني ٍعاش دور الفقير ويشتكيه
وكم جميلٍ من هل الطيب ماتلحق جزاه
لو عطيته نور عينك تقول شوي فيه
وما يدل الدرب من لاتمسك بالوصاه
وما يقدّر نعمة العقل غيرك يالنبيه
ومن عبر بحر الملذه على قارب نجاه
لا يلد العين للبحر ويعود إليه
ديننا يالمسلمين احسن الله في عزاه
دامنا ما نحمي الدين ولا نبكي عليه
لوكنوزك كبر سنجار وجبال السراه
الضمير الحي ماهو عقار ٍ تشتريه
لو يطلّع كل تاجر من امواله زكاه
ما لقيت من المساكين من يبسط يديه
ون ملكت أخلاق تملك بهاسمعه وجاه
بالفعول وبالطبايع صحيبك لك شبيه
الردي لويستره ثوب وش يستر رداه
دام مايحشم قرابه ولا يحشم وجيه
انصحوه يبيع ثوبه ويشري له عباه
طاح من عين المراجل ولا عادت تبيه
والسفيه إن ماتبلاك ماتسلم غثاه
حاول إنك ماتجي درب يسلكه السفيه
وصافح كفوف الزمن وبتسم لأجل الحياه
واعلم إن الله اذا حب عبده يبتليه
حمد بن فطيس

صح لسان الشاعر والناقل

صح بدنك شكرا الك سرااب

صح لسان شاعرها و ناقلها

صح بدنك اهلا وسهلا نوني

اختيار موفق بارك الله فيك :217:

بارك الله فيك اخي المتفاءل

بارك الله فيك

اهلا بيك اشكرك نور

صح لسانك ولسانه

اهلا بيك اخي