قامت هجوسي

الشاعر / محمد بن حوقان المالكي
داهيه من دُهاة الشعر

يقول:

قامت هجوسي توردني على الجمة
وبيوت شعري عزاز وحسبة اولادي

دورت لي كلمة تبرأ بها الذمة
لا ينقدوني محبيني وحسادي

قل للجنوبي يغني لك على الدمة
والا الشمالي يدّح الصوت ويهادي

لا تعطي اسرارك الحرمة ولا الرمة
اثنينهم يفضحونك لا بدا بادي

الشهم يغتاض من طيحة ولد عمه
والا الردي لو يشوفه يحترق عادي

نشوف بعض الرجال احيان فالقمة
واذا هرج قلت يا ستار ياهادي

ثلاث تركي على الرجال وتسمه
الدَين والجهل والحاجة للاوغادي

وثلاث تنجيك والاحزان ملتمة
الدِين والعقل ومخاواة الاجوادي

وثلاث منها السنافي يحترق دمه
البهرجة والهياط وقلّ الارشادي

وثلاث تكسر مقام الرجل وتذمه
ولا تعيب الذي ماعنه نشّادي

نّقال هرج القفا.والكذب .و النَّمة
ماهي لمن يعرف المعروف والقادي

واللي رمى بالمراجل من طرف كمه
هذا كما الحرمة اللي مالها حادي

لا تعطي اسرارك الحرمة ولا الرمة
اثنينهم يفضحونك لا بدا بادي

الشهم يغتاض من طيحة ولد عمه
والا الردي لو يشوفه يحترق عادي

نشوف بعض الرجال احيان فالقمة
واذا هرج قلت يا ستار ياهادي

ثلاث تركي على الرجال وتسمه
الدَين والجهل والحاجة للاوغادي

وثلاث تنجيك والاحزان ملتمة
الدِين والعقل ومخاواة الاجوادي

وثلاث منها السنافي يحترق دمه
البهرجة والهياط وقلّ الارشادي
ابيات جميله احسنت الاختيار بارك الله فيك.

ويجزاك خير ابو محمود

صح لسانك ولسان شاعرها أبيات رائعة

بارك الله فيك